2 հայ գերի է վերադարձվել ՀՀ՝ Մարտակերտում ձերբակալված ադրբեջանցու դիմաց 8 սեպտեմբերի 2021 - 10:38 AMT PanARMENIAN.Net - Ադրբեջանից Հայաստան է վերադարձել 2 հայ գերի․ վարորդ Արթուր Տոռոզյանը և զինծառայող Արթուր Նալբանդյանը, որոնք մոտ երկու ամիս առաջ էին կորել Սյունիքում՝ Սև լճից ձախ, Իշխանասարի տարածքում, գրում է «Ազատություն» ռադիոկայանը։ Երևանն էլ Բաքվին է փոխանցել երկու շաբաթ առաջ Արցախում՝ Մարտակերտի բնակարաններից մեկում հայտնված ու ձերբակալված ադրբեջանցի զինծառայող Ջամիլ Բաբաևին։ Այս տեղեկությունն Ազգային անվտանգության ծառայությունն Արմենպրեսին էր հայտնել։ Տոռոզյանն ու Նալբանդյանը մոլորվել էին՝ մարտական հերթապահություն իրականացնողներին սնունդ տանելիս։ Պաշտպանության նախարարության տեղեկության համաձայն, մառախուղն էր պատճառը եղել։ Պաշտոնական գերատեսչությունները որևէ տեղեկություն չէին հայտնում նրանց կարգավիճակի կամ գտնվելու վայրի մասին, Գյումրեցի Նալբանդյանն ու գորիսեցի Տոռոզյանը Երևան վերադարձել են սեպտեմբերի 8-ի ուշ երեկոյան։ Հայ գերիներին Երևան վերադարձնելու համար Բաքու էր մեկնել Արցախում ռուսական խաղաղապահ զորակազմի հրամանատարի իր առաքելությունն ավարտող Ռուստամ Մուրադովը։ Ադրբեջանը չի հայտնում իր մոտ եղած հայ գերիների թիվը։ Ավելի վաղ վարչապետ Փաշինյանը հայտնել էր, որ Ադրբեջանում պահվող հաստատված գերիների թիվը 60 է, վարկած կա ևս 110 հոգու գտնվելու մասին։ Պատերազմից հետո մինչ այժմ Ադրբեջանը 106 գերի է վերադարձրել։ Վերջին երկու խմբի վերադարձը տեղի էր ունեցել Բաքվին ականապատ որոշ դաշտերի քարտեզները փոխանցելուց հետո։ Օգոստոսի 22-ին Սև լճի մոտակայքում էր մոլորվել նաև զինծառայող Արթուր Դավիդյանը։ Ավագ լեյտենանտը, ըստ Պաշտպանության նախարարության, առանց հրամանատարի թույլտվության դուրս էր եկել մշտական տեղակայման վայրից, հետո նրա հետ կապը կորել է։ Նրա մասին էլ ոչ մի տեղեկություն շաբաթներ շարունակ չի հաղորդվում։ Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ Ալիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա |