Կարապետյանը ՌԴ-ում կմասնակցի «Զապադ-2021» զորավարժության ակտիվ փուլի դիտմանը

Կարապետյանը  ՌԴ-ում կմասնակցի «Զապադ-2021» զորավարժության ակտիվ փուլի դիտմանը

PanARMENIAN.Net - Սեպտեմբերի 13-ին ՀՀ պաշտպանության նախարար Արշակ Կարապետյանի գլխավորած պատվիրակությունը կմասնակցի ՌԴ Նիժնի Նովգորոդի «Մուլինո» զորավարժադաշտում անցկացվելիք Ռուսաստանի և Բելառուսի «Զապադ-2021» համատեղ ռազմավարական զորավարժության ակտիվ փուլի դիտմանը:

Այնուհետև, սեպտեմբերի 15-16-ը ՀՀ պաշտպանության նախարարի գլխավորած պատվիրակությունը կմասնակցի Դուշանբեում կայանալիք ՀԱՊԿ-ի կանոնադրային մարմինների (արտաքին գործերի նախարարների, պաշտպանության նախարարների խորհրդի և անվտանգության խորհրդի քարտուղարների կոմիտեի) համատեղ, ինչպես նաև հավաքական անվտանգության վեհաժողովի նիստերին:

Ռուսաստանի և Բելառուսի «Զապադ-2021» համատեղ ռազմավարական զորավարժությունը մեկնարկել էր սեպտեմբերի 9-ին։ ՌԴ և Բելառուսի տարածքում ընթացող զորավարժություններին ներգրավված է մոտ 200,000 զինծառայող, մոտ 80 ինքնաթիռ և ուղղաթիռ, մինչև 760 միավոր տարբեր տիպի զրահատեխնիկա, հրթիռային համակարգեր ու հրետանային միջոցներ, ինչպես նաև 15 նավ:

 Ուշագրավ
Հունվարի 21-ին տեղի է ունենալու նրա խափանման միջոցի փոփոխման վերաբերյալ դատական նիստը
«Միայն «իր հաշվին» ձևակերպումն է ճանաչվեց հակասահմանադրական»,-ասվում է ԱՆ հայտարարության մեջ
Ավիաընկերությունը կապահովի դեկտեմբերի 17-19-ը նախատեսված չվերթերի բոլոր ուղևորների տեղափոխումը
«Ես էլ ձեր տրամադրությունը բարձրացնեմ»,-գրել է նա
---