Դումանյանը հորդորել է «պարգևավճարը» կոչել «լրավճար» և չզարմանալ այն ստանալու փաստից24 սեպտեմբերի 2021 - 16:08 AMT PanARMENIAN.Net - ՀՀ կրթության, գիտության, մշակույթի և սպորտի նախարար Վարդան Դումանյանն ասել է, որ նախարարությունը մինչև սեպտեմբերի 21-ը և դրանից հետո նույն ռեժիմի մեջ է եղել՝ պարգևավճարների առումով, որևիցե նորույթ չկա: Նա հաստատել է, որ սեպտեմբերի 21-ի կապակցությամբ պարգևավճար ստացել է, տեղեկացնում է Factor.am-ը։ Նախարարը, սակայն, խնդրել է, դա կոչել ոչ թե «պարգևավճար», այլ «հավելավճար» կամ «լրավճար»։ Նա նաև կոչ է արել լրագրողներին այդ փաստից չզարմանալ։ «Ամեն օր զարմանո՞ւմ եք, որ արևը ծագում և մայր է մտնում։ Այս հարցը խնդրում եմ մի շահարկեք, մի զարմացեք հավելավճար ստանալու թեմայով»,-ասել է նա։ Իսկ թե որքան են պարգևատրվել մանկավարժներն ու դասախոսները Անկախության 30-ամյակի առթիվ, Դումանյանը տեղյակ չէ։ «Միգուցե ինչ-որ մի բուհ իր դասախոսներին հավելավճարներ է տվել։ Շատ հաճելի կլինի, որ այնքան հավելավճար, լրավճար տան, որ բոլորը բավարարվածության զգացում ունենան։ Բուհերը ինքնավար կառույցներ են։ Եթե ունեն բավարար դրամական միջոցներ և որոշում են նման քայլ անել, միայն կարելի է ողջունել»,- ասել է նախարարը։ Ավելի վաղ պատմություն դասավանդող Վահրամ Թոքմաջյանը, ֆեյսբուքյան իր էջում անդրադառնալով պատգամավորների պագևավճարներին, նշել է, որ ուսուցիչն էլ է պետական համակարգի մաս՝ քանի՞ ուսուցիչ է պարգևավճար ստացել։ ԱԺ յուրաքանչյուր պատգամավորի հաշվին պետբյուջեից 381,000-ական դրամ պարգևավճար է փոխանցվել։ Ազգային ժողովում «Քաղաքացիական պայմանագիր» խմբակցության պատգամավոր Հերիքնազ Տիգրանյանը հայտարարել է,թե դա «սիմվոլիկ պարգևատրում է» անկախության 30 ամյակի կապակցությամբ։ «Հայաստան» և «Պատիվ ունեմ» դաշինքները հայտարարել են, որ չեն վերցնելու պարգևավճարները՝ ուղղելու են սոցիալական ծրագրերի։ Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ Ալիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա |