300,000 դրամը գերազանցող գործարքները հունվարի 1-ից միայն անկանխիկ կարվեն

300,000 դրամը գերազանցող գործարքները հունվարի 1-ից միայն անկանխիկ կարվեն

PanARMENIAN.Net - 2022-ի հունվարի 1-ից 300,000 դրամը գերազանցող գործարքները բացառապես անկանխիկ եղանակով կիրականացվեն։ Այդ մասին գործադիրի նիստում հայտարարել է ԿԲ նախագահ Մարտին Գալստյանը:

«Անկանխիկ գործառնությունների մասին» օրենքում փոփոխություններ կատարելու մասին նախագծով սահմանվում են այն ոլորտները, որտեղ իրականացվելու են անկանխիկ գործառությունները։

2022 թվականի հունվարի 1-ից՝ Երևանում անկանխիկ են վճարվելու աշխատավարձերը, կրթաթոշակները, բժշկական ծառայությունների վճարներն և ուսումնական վճարները բուհերում, և մասնավոր դպրոցներում։ Մարզկենտրոններում այդ պահանջը կգործի 2023-ից, իսկ ամբողջ ՀՀ տարածքում՝ 2024-ից։

Կենսաթոշակների և նպաստների պարագայում անկանխիկ վճարումների մասով կան բացառություններ՝ հաշմանդամություն ունեցողների և 70-ից բարձր տարիքով անձանց համար։

Վարչապետ Նիկոլ Փաշինյանը կարևորել է նախագիծը կոռուպցիայի դեմ պայքարի առումով։

 Ուշագրավ
«Երկարացնելու ենք թուրքական ապրանքների ներմուծման արգելքը»,-ասել էնա
Նա ասել է, որ 2020-ին տնտեսությունն ունեցել է ընդամենը 7.6 տոկոս անկում
ՌԱԷԿ-ի մասնագետները ներկայացրել են տեխնիկական սպասարկման և վերանորոգման ուղղությամբ տարվող աշխատանքը
---