Բրիտանիան պարզեցրել է 32 երկիր, այդ թվում՝ դեպի Հայաստան ուղևորությունների կարգը։ Այդ մասին հայտարարել է Բրիտանիայի ԱԳՆ-ն։
Այսուհետ բրիտանացիներին չեն հորդորի զերծ մնալ Հայաստան այցելելուց, ինչը կպարզեցնի զբոսաշրջային ապահովագրություն ստանալու կարգը, գրում է BBC-ն։
ՀՀ-ն կարմիր գոտում չէր ընդգրկված, սակայն Բրիտանիայի ԱԳՆ-ն խորհուրդ էր տալիս զերծ մնալ այցերից կորոնավիրուսի հետ կապված իրավիճակի պատճառով։
Բրիտանիայի ԱԳՆ-ն հայտարարել է, որ փոփոխությունը կապված է «հանրային առողջապահության վիճակի բարելավմամբ երկրներից շատերում» և «բրիտանացիների համա ռիսկի նվազեցմամբ պատվաստումների տարածման արդյունքում»։
Հորդորը կկիրառվի բացառությամբ այն դեպքերի, եթե, օրինակ, տեղի առողջապահության համակարգը գերծանրաբեռնված լինի։
Հայաստանից բացի Բրիտանիայի ԱԳՆ-ն պարզեցրել է ուղևորությունների վերաբերյալ իր հորդորները Ալժիրի, Բանգլադեշի, Բելառուսի, Ֆիջիի, Գվինեայի, Ղազախստանի և այլ երկրների համար։