Հարությունյան․ Տաթևում ՔՊ-ն մեծամասնություն չի ստացել, «Շանթ դաշինքն» ու «Ապրելու երկիրը» 1 ձայնով առաջ են21 հոկտեմբերի 2021 - 14:21 AMT PanARMENIAN.Net - «Շանթ դաշինք» ազգայնական կուսակցության ներկայացուցիչ Շահեն Հարությունյանը, անդրադառնալով Տաթև համայնքում ՏԻՄ ընտրությունների արդյունքների վերահաշվարկին, ասել է, որ եթե գումարել «Շանթ դաշինքի» և «Ապրելու երկրի» ստացած քվեները, կարելի է տեսնել, որ մեկ ձայնով առաջ են անցել, ու այդպիսով ՔՊ-ն չի կարողացել մեծամասնություն ստանալ։ Հարությունյանը վերահաստատել է, որ ՔՊ-ի հետ կոալիցիա չեն ձևավորի, գրում է «Առավոտը»։ Տաթև համայնքում վերահաշվարկ իրականացված բոլոր յոթ տեղամասերի արդյունքների հանրագումարում «Ապրելու երկիր» կուսակցության «կողմ» ձայները չեն փոփոխվել, «Շանթ դաշինք» ազգայնական կուսակցության «կողմ» ձայներն ավելացել են 3-ով և «Քաղաքացիական պայմանագիր» կուսակցության «կողմ» ձայներն ավելացել են 8-ով, իսկ անվավեր քվեաթերթիկների թիվը նվազել է 11-ով, անճշտությունների չափն ավելացել 3-ով։ Ըստ համայնքում վերահաշվարկի՝ քվեարկության մասնակիցների ընդհանուր թիվը Տաթևում եղել է 2613, ՔՊ-ն ստացել է 1288 քվե, «Շանթ դաշինք» ազգայնական կուսակցությունը՝ 952, «Ապրելու երկիր» կուսակցությունը՝ 337 քվե: Ստացվում է, որ վերջին երկու կուսակցության ձայների հանրագումարը 1289 է, իսկ ՔՊ-ինը՝ 1288: Անդրադառնալով կոալիցիա կազմելու հարցում «Ապրելու երկիր» կուսակցության հետ պայմանավորվածության առկայությանը՝ Հարությունյանն ասել է. «Ապրելու երկիր» կուսակցության հետ շփումները եղել են դեռևս ընտրությունների արդյունքների և վերահաշվարկի հետ կապված: Այսօր է ավարտվել վերահաշվարկը. հիմա Գորիսից ենք վերադառնում: Դեռ չենք հանդիպել: Կհանդիպենք, կքննարկենք: Երկուշաբթի օրը կլինի Տաթև համայնքի ավագանու առաջին նիստը, այդ օրը պետք է ընտրվի համայնքապետ, ուստի մինչև շաբաթվա վերջ կլինի հստակեցում»: Շահեն Հարությունյանն ասել է նաև, որ ընդհանուր առմամբ գոհ են ընտրությունների արդյունքներից: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Շոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |