Երևանի համար 100 ավտոբուս կգնվի․ Վարկը կտրամադրի ՎԶԵԲ-ը 28 հոկտեմբերի 2021 - 14:58 AMT PanARMENIAN.Net - Տրանսպորտային ցանցի հետ կապված խնդիրները լուծելու նպատակով կառավարության որոշմամբ Երևանի համար 100 ավտոբուս կգնվի։ Գործադիրը հավանություն է տվել ՀՀ «Երևանի ավտոբուս» ՓԲԸ-ի և Վերակառուցման և զարգացման եվրոպական բանկի միջև «Երևանի ավտոբուսների ծրագիր» դրամաշնորհային համաձայնագրի ստորագրմանը։ Ներկայացնելով նախագիծը՝ տարածքային կառավարման և ենթակառուցվածքների նախարար Գնել Սանոսյանը նշել է, որ համաձայնագրերը վերաբերում են 25 մլն եվրոյին, որից 20 մլն-ը վարկ է, իսկ 5 մլն-ը՝ դրամաշնորհ, որով ձեռք է բերվելու 100 հատ 12 մետրանոց ցածրահատակ ավտոբուս: Նա տեղեկացրել է նաև, որ խորհրդատվական ընկերության կողմից կատարված ուսումնասիրության արդյունքում առաջարկվել է 845 հատ տարբեր չափի ավտոբուսներ ձեռք բերել Երևանի երթուղային ցանցի համար։ Սանոսյանը հավելել է, որ Վերակառուցման և զարգացման եվրոպական բանկի հետ բանակցություններ են ընթանում 2019թ. գարնանից և, նախնական գնահատմամբ, ավտոբուսների ընդհանուր քանակի ձեռքբերման համար անհրաժեշտ է լինելու 120-150 մլն եվրո: Վարչապետ Նիկոլ Փաշինյանն իր հերթին նշել է, որ Երևանի տրանսպորտային ամբողջ համակարգն աշխատելու է համայնքային և մասնավոր տրանսպորտային ընկերությունների փոխգործակցությամբ։   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Զախարովա․ ՌԴ–ն ՀՀ-ից հստակ արձագանքի է սպասում ԱՄՆ և ԵՄ հետ «ռազմաքաղաքական պայմանավորվածությունների մասին»  Ըստ նրա, տեղեկություններ են հայտնվել, որ ապրիլի 5–ի հանդիպմանը ռազմաքաղաքական ոլորտին առնչվող պայմանավորվածություններ են ձեռք բերվելՔՊ պատգամավորի հետ միջադեպից հետո ծեծի ենթարկված Վարդանյանը ճանաչվել է տուժող Իրականացվում է նախաքննությունՎարդենիսում 13-ամյա աղջկա են բռնաբարել. Նրա վիճակը ծանր է Քննչական կոմիտեի մամուլի խոսնակ Գոռ Աբրահամյանը հայտնել է, որ նախաձեռնվել է քրեական վարույթԱղդամի ռուս–թուրքական համատեղ մշտադիտարկման կենտրոնն ավարտում է աշխատանքը Ըստ Թուրքիայի ՊՆ–ի, կենտրոնի փակման գործընթացը շարունակվում է Ադրբեջանի և ՌԴ հետ համագործակցությամբ |
