Սոցապ նախարարության բյուջեն 2022-ին կաճի ավելի քան 15%-ով

5 նոյեմբերի 2021 - 14:56 AMT

PanARMENIAN.Net - ՀՀ աշխատանքի և սոցիալական հարցերի նախարարության բյուջեն 2022-ին կաճի ավելի քան 15 տոկոսով՝ կազմելով 580 միլիարդ դրամ: Այդ մասին ԱԺ մշտական հանձնաժողովների համատեղ նիստում 2022 թվականի պետբյուջեի նախագծի քննարկման ժամանակ հայտարարել է ֆինանսների նախարար Տիգրան Խաչատրյանը:

«Պետբյուջեի նախագծով աշխատանքի և սոցիալական հարցերի նախարարության բոլոր ծրագրերի հանրագումարով հատկացված ֆինանսավորումը, ըստ մեր բյուջեի համար պատասխանատու կառույցների, ամենամեծ ֆինանսավորման ծավալը պարունակող ուղղությունն է», - ասել է նա, տեղեկացնում է Aysor.am-ը:

Նրա խոսքով՝ սա բնական է, քանի որ այն սոցիալական կարևորագույն հարցերը, որոնք լուծվում են այդ գերատեսչության կողմից, իրենց թե ծավալով, թե նշանակությամբ ամենակարևորներից են:

Նախարարն ասել է, որ սոցապնախարարությունն իրականացնելու է 16 ծրագիր, որը ներառում է 93 միջոցառում:

«2022-ի բյուջեի նախագծով նախատեսված է մոտ 580 մլրդ դրամ ֆինանսավորում: 2021-ին հաստատված բյուջեով նախատեված եղել 503 մլրդ 670 մլն դրամ ֆինանսավորում, աճը կազմում է 15.1 տոկոս», - նշել է Տիգրան Խաչատրյանը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով