Միջադեպի պատճառով փակված Ստեփանակերտ-Շուշի-Բերձոր միջպետական ճանապարհը երկկողմանի բաց է, տեղեկացնում է ԱՀ ներքին գործերի նախարարության մամուլի ծառայությունը։
Ազատ ու անվտանգ երթևեկը կապահովի ռուսական խաղաղապահ զորակազմը:
Ճանապարհը փակվել էր հայկական և ադրբեջանական կողմերի միջև միջադեպի պատճառով, որի մասին մանրամասներ դեռ չեն հրապարակվել։
«Հայկական ու ադրբեջանական կողմերի միջև տեղի ունեցած միջադեպի մասին ԱՀ ոստիկանությունը քիչ հետո կտրամադրի հավելյալ տեղեկություն»,- ասված է հաղորդագրության մեջ։
Նոյեմբերի 13-ի առավոտյան հայկական և ադրբեջանական կողմերի միջև միջադեպի պատճառով Ստեփանակերտ-Շուշի-Բերձոր միջպետական ճանապարհը երկկողմանի ժամանակավորապես փակ էր։
Արցախի իրավապահ մարմինները՝ ռուսական խաղաղապահ զորակազմի հետ մեկտեղ, հակառակորդ կողմի հետ վարում էին բանակցություններ՝ երթևեկն անխափան կազմակերպելու ուղղությամբ:
