Աղաջանյանը՝ ֆրանսիական ալիքին․ «Զանգեզուրի միջանցք» ասվածն Ադրբեջանի իշխանության հորինվածքն է19 նոյեմբերի 2021 - 18:51 AMT PanARMENIAN.Net - ԱԺ արտաքին հարաբերությունների հանձնաժողովի նախագահ Էդուարդ Աղաջանյանը ֆրանսիական TV5MONDE հեռուստաալիքին տված հարցազրույցում մեկնաբանել է Հայաստանի նկատմամբ Ադրբեջանի ագրեսիան: Այդ մասին նա հայտնել է ֆեյսբուքյան իր էջում։ Լրագրողի կողմից, այսպես կոչված, «Զանգեզուրի միջանցքին» առնչվող հարցին ի պատասխան՝ Աղաջանյանն արձանագրել է, որ նման ձևակերպում երբեք չի եղել և չկա եռակողմ հայտարարություններից և ոչ մեկում և, որ այն ամբողջությամբ հանդիսանում է Ադրբեջանի գործող իշխանությունների հորինվածքը։ Աղաջանյանն ասել է նաև, որ Հայաստանը կարևորում է 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների իրագործումը, այդ թվում տարածաշրջանային կոմունիկացիաների ապաշրջափակումը։ Պատգամավորը նշել է, որ, ի թիվս այլ հանգամանքների, Ադրբեջանի սանձարձակ գործողությունները պայմանավորված են միջազգային հանրության կողմից ցուցաբերվող անտարբերության, ինչպես նաև Հայաստանի միջազգային գործընկերների կողմից նման դեպքերում հաճախ ընդհանրական և երկու կողմերի միջև հավասարության նշան դնող հայտարարություններով, հայտնում է Aysor.am-ը։ Նոյեմբերի 16-ին ադրբեջանական ԶՈւ ստորաբաժանումները հարձակվել են ՀՀ արևելյան սահմանագոտում ուղղությամբ տեղակայված հայկական դիրքերի վրա և ներխուժել ՀՀ ինքնիշխան տարածք։ Հակառակորդը կիրառել է հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմը դիմել է համարժեք գործողությունների։ Հայկական կողմն ունի զոհեր և 13 գերեվարված զինծառայող, ևս 24-ի հետ կապը կորել է մարտական գործողությունների ընթացքում և նրանց ճակատագիրն այս պահին անհայտ է։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |