Սերժ Սարգսյանին առանձնապես խոշոր չափերով կաշառք ստանալու մեղադրանք է առաջադրվել

Սերժ  Սարգսյանին առանձնապես խոշոր չափերով կաշառք ստանալու մեղադրանք է առաջադրվել

PanARMENIAN.Net - Հայաստանի երրորդ նախագահ Սերժ Սարգսյանին նոյեմբերի 22-ին մեղադրանք է առաջադրվել Քրեական օրենսգրքի 311-րդ հոդվածի 4-րդ մասի 2-րդ կետով՝ «առանձնապես խոշոր չափերով կաշառք ստանալը», խափանման միջոց է ընտրվել ստորագրությունը չհեռանալու մասին։ Այդ մասին հայտնել է Հակակոռուպցիոն կոմիտեի խոսնակ Մարինա Օհանջանյանը, տեղեկացնում է «Ազատությունը»։

Տվյալ հոդվածով նախատեսված հանցանքը պատժվում է 5-10 տարվա ազատազրկմամբ:

Սա գործարար Սիլվա Համբարձումյանի բողոքի հիման վրա դեռ 3 տարի առաջ հարուցված քրեական գործն է, որով մեղադրվում են երկրորդ նախագահ Ռոբերտ Քոչարյանն ու նրա աշխատակազմի նախկին ղեկավար, այժմ ընդդիմադիր «Հայաստան» խմբակցության պատգամավոր Արմեն Գևորգյանը, ինչպես նաև Քոչարյանի մտերիմ, գործարար Սամվել Մայրապետյանը:

Անցած ամիս էլ քրեական գործ էր հարուցվել Սերժ Սարգսյանի պաշտոնավարման ընթացքում Բադեն-Բադեն կատարած թռիչքների գործով։ Պաշտոնեական լիազորությունների չարաշահման հոդվածով քրեական գործով Սարգսյանը մեղադրյալի կարգավիճակ չունի։

 Ուշագրավ
Վիրավորումները, ըստ նախարարի, բեկորային են՝ ԱԹՍ-ի հարվածի հետևանք են
Նա ցուցումներ է տվել նմանօրինակ դեպքերը բացառելու նպատակով անհրաժեշտ միջոցառումների վերաբերյալ
Պահանջում են չեղարկել թանկացումը և բյուրոյի պետի հրաժարականը
---