Իսրայելում կորոնավիրուսի դեմ արդեն պատվաստում են 5-11 տարեկաններին

Իսրայելում կորոնավիրուսի դեմ արդեն պատվաստում են 5-11 տարեկաններին

PanARMENIAN.Net - Իսրայելում սկսել են կորոնավիրուսի դեմ պատվաստել 5-11 տարեկան երեխաներին։ Գործընթացը պաշտոնապես մեկնարկել է նոյեմբերի 23-ին։

Համապատասխան տարիքի 22,000 երեխայի ծնող արդեն պատվաստման հայտ է ներկայացրել Իսրայելի պոլիկլինիկաներ և դպրոցների աշխատակազմեր։

Օրվա ընթացքում պատվաստվելու է նաև Իսրայելի վարչապետ Նաֆթալի Բենեթի որդին՝ Դավիթ Բենեթը, գրում է ՏԱՍՍ-ը։

Ավելի վաղ Իսրայելն ամերիկյան Pfizer ընկերության արտադրության «շատ մեծ ծավալների» պատվաստանյութ է ստացել։

12-ից բարձր տարիքի երեխաներին Իսրայելում սկսել էին կորոնավիրուսի դեմ պատվաստել դեռևս հուլիսից։

Կորոնավիրուսի դեմ ամերիկյան Pfizer ընկերության արտադրության պատվաստանյութով Իսրայելի բնակչության պատվաստման ազգային արշավն Իսրայելում մեկնարկել է 2020 թվականի դեկտեմբերի 20-ին։ Ըստ այդ երկրի առողջապահության նախարարության, առաջին դեղաչափով պատվաստվել է արդեն 6.26 մլն իսրայելցի, երկրորդով՝ 5.76 մլն, երրորդով՝ 4.1 մլն։ Իսրայելի բնակչությունը 9.3 մլն է։

 Ուշագրավ
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
Բիստը նշել է, որ երկու շաբաթ առաջ նոր համաձայնագիր է կնքվել
---