Ախուրյանում 2 դաշինք կոալիցիա կկազմի․ Ավելի շատ ձայներ հավաքած ՔՊ-ն դա սխալ է համարում 6 դեկտեմբերի 2021 - 16:52 AMT PanARMENIAN.Net - Շիրակի մարզի Ախուրյան համայնքի ընդդիմադիր 2 դաշինքը՝ «Ախուրյանը» և «Հաղթանակը», հիմք ընդունելով Ախուրյան համայնքի ավագանու ընտրությունների նախնական արդյունքները, համագործակցության, համայնքապետի համաձայնեցված թեկնածու առաջադրելու և տեղական իշխանության մարմինները միասնաբար ձևավորելու մասին հայտարարություն են ստորագրել: Դեկտեմբերի 5-ին կայացած ՏԻՄ ընտրության արդյունքներով Ախուրյան խոշորացված համայնքում ձայները բաշխվել են հետևյալ կերպ՝ • «Ախուրյան» կուսակցությունների դաշինք՝ 3854 քվե կամ 29,97% • «Հաղթանակ» կուսակցությունների դաշինք՝ 2810 քվե կամ 21,85% • «Քաղաքացիական պայմանագիր» կուսակցություն՝ 6195 քվե կամ 48,18%: Քաղաքական ուժերից ոչ մեկը 50%+1 ձայն չի հավաքել այս համայնքում, սակայն քվեների մեծ մասը ստացել է «Քաղաքացիական պայմանագիր» կուսակցությունը: Կուսակցության ընտրացուցակը գլխավորած Ալբերտ Այվազյանն ասել է՝ իրենք չեն պարտվել, կրկնակի քվե են ստացել պայքարող մյուս ուժերի համեմատ, տեղեկացնում է «Հայկական ժամանակը»։ «Իրենք, ճիշտ է, որոշել են կոալիցիա ձևավորել, բայց սխալ քայլ են անում: Երկուսն էլ, եթե նորմալ են մտածում (նկատի ունի «Ախուրյան» կուսակցությունների դաշինքը գլխավորած Արծրունի Իգիթյանին և «Հաղթանակ» կուսակցությունների դաշինքը առաջնորդած Կարեն Արշակյանին), պետք է հետ կանգնեն այդ որոշումից: Ժողովուրդը երեկ ցույց տվեց, որ իրենց չի ընդունում, չի սիրում: Հիմա, որ գլուխները դեմ են տվել, գնում են, վաղը, մյուս օրը մարդիկ ասելու են՝ գնացեք, ձեզ չենք ուզում: Հաղթողը մենք ենք. Ախուրյանում հաղթել է «Քաղաքացիական պայմանագիր»-ը»,- ասել է Այվազյանը: «Հաղթանակ» կուսակցությունների դաշինքն առաջնորդած Կարեն Արշակյանն էլ ասել է՝ իրենք էլ պակասք քվեներ չեն ստացել և պատասխանատու են այն մարդկանց առաջ, որոնք ձայնը տվել են «Հաղթանակ» և «Ախուրյան» կուսակցությունների դաշինքներին: Թե ինչո՞ւ կոալիցիա չեն ուզում կազմել ավելի շատ քվեներ ստացած «Քաղաքացիական պայմանագիր» կուսակցության հետ, հարցին՝ ճի՞շտ է արդյոք, որ կրկնակի ձայներ հավաքած քաղաքական ուժի փոխարեն առավել պակաս արդյունք ունեցած ուժը կամ ուժերը գան իշխանության, Արշակյանը պատասխանել է՝ իրենք ի սկզբանե բացառել են «Քաղաքացիական պայմանագիր» կուսակցության հետ կոալիցիա կազմելու հավանականությունը: Դեկտեմբերի 5-ին կայացած տեղական ինքնակառավարման մարմինների ընտրություններում «Քաղաքացիական պայմանագիրը» նախնական տվյալներով հաղթել է 36 համայնքից 25-ում։ Իշխող ուժը պարտվել է Աբովյանում, Վանաձորում, Մասիսում և մի քանի այլ համայնքում։ ՔՊ-ն հաղթել է Արտաշատ, Գառնի, Հրազդան, Ծաղկաձոր, Թալին , Աշտարակ, Մարտունի, Սևան, Վայք, Ջերմուկ, Արմավիր, Էջմիածին, Մեծամոր, Բաղրամյան, Արաքս, Խոյ, Աշոցք, Ախուրյան, Ամասիա, Սպիտակ, Թումանյան, Փամբակ, Նոյեմբերյան, Արթիկ համայնքներում։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է Աֆեյան․ Պետք է ավելին անենք, քան անցյալի ջարդերի ցավը սգալը՝ ժամանակն է քայլեր ձեռնարկել Քայլեր ձեռնարկելու կոչն ընդգծում է վայրագությունների նմանությունները, որոնք տեղի են ունեցել 109 տարի առաջ և կրկնվում են այսօր. Փայլան. Ապրում ենք այնպիսի Թուրքիայում, ինչպիսին կլիներ Գերմանիան, եթե այնտեղ լինեին Հիտլերի անունով փողոցներ ու դպրոցներ Նա նաև հարգանքի տուրք է մատուցել այն եզակի պաշտոնյաներին, որոնք չեն կատարել ցեղասպանության վերաբերյալ որոշումը Բելգիայի ԱԳ նախարարը Բրյուսելում մասնակցել է Ցեղասպանության զոհերի հիշատակին նվիրված մոմավառությանը Նա կարևորել է Հայաստանի և հայ ժողովրդի՝ մասնավորապես Բելգիայի հայ համայնքի հետ բարեկամական հարաբերությունները |