ՀՀ-ում բացառիկ չորանոցների արտադրություն է սկսվել (Վիդեո)10 դեկտեմբերի 2021 - 10:35 AMT PanARMENIAN.Net - Չրարտադրության ոլորտում նոր հնարավորություններ են ստեղծվում. Հայաստանում արտադրվել է արևային օդատաքացման, ջրատաքացման, ջերմային պոմպով և ժամանակակից այլ տեխնոլոգիաներով զինված նորարարական շարժական չորանոց: Վերջինս բացառիկ է նաև միջազգային շուկայում: Հայկական առաջին շարժական չորանոցը նախագծել և կառուցել է «Օպտիմում Էներջի» ընկերությունը: Չորանոցը 30-60%-ով ավելի էներգախնայող է գոյություն ունեցող լավագույն չորանոցներից. աշխատում է հոսանքով, ինչպես նաև արևային էներգիայով: Չորանոցի էներգախնայողության շնորհիվ ստացվող չրերի ինքնարժեքը ստացվում է բավականին ցածր:
Հայկական առաջին շարժական չորանոցը պետական սուբսիդավորման ծրագրի շրջանակում և ԱԳԲԱ Լիզինգի ֆինանսավորմամբ ձեռք է բերել «ԱռԼեԱՄ» ընկերությունը: ԱԳԲԱ Լիզինգի ֆինանսավորմամբ չորանոցներ հնարավոր կլինի ձեռք բերել Ագրոպարենային ոլորտի սարքավորումների լիզինգի պետական աջակցության 0% տոկոսադրույքով ծրագրի շրջանակում: «Ներկայանում ենք նոր առաջարկով և վստահ ենք, որ այն իր ծավալներով և որակով մեծ ներդրում կունենա հայկական չրագործության համար: Այսօր ԱԳԲԱ Լիզինգը ակտիվ համագործակցում է և՛ «Օպտիմում Էներջի», և՛ «Արեգի» կազմակերպությունների հետ, որոնց սարքավորումների լիզինգ ենք տրամադրել պետական սուբսիդավորման ծրագրի շրջանակում: Բավականին հաջող փորձ ունենք. երկար տարիներ համագործակցում ենք և վստահ ենք, որ առաջիկայում էլ ավելի մեծ ծավալներով ենք համագործակցելու»,- նշել է ԱԳԲԱ Լիզինգի գլխավոր տնօրեն Աղասի Գասպարյանը:
«Մեր ընկերությունը զբաղվում է ինտենսիվ գյուղատնտեսությամբ, խնձորի, ծիրանի, տանձի ինտենսիվ այգիների մշակմամբ: Կարևորելով երկրորդական վերամշակումն ու տեսնելով հայկական նորարարություն, որոշում կայացվեց, որ մենք առաջինը լինենք չորանոցի ձեռքբերողն ու մեր իսկ այգու արտադրած ապրանքից ստանանք չրեր: ԱԳԲԱ Լիզինգի հետ համագործակցում ենք բավականին երկար ժամանակ և ուրախ ենք, որ հայկական արտադրության այս ծրագրին էլ միացել է ԱԳԲԱ Լիզինգն ու մենք կարողացել ենք օգտվել այս ծրագրից»,- նշել է «ԱռԼեԱՄ» ընկերության տնօրեն Մանուկ Խուդոյանը: «Օպտիմում Էներջին» նախագծել և պատրաստել է սարքը, իսկ ԱԳԲԱ Լիզինգը առաջինը հավատաց ու կատարեց առաջին ֆինանսավորումը՝ 0 տոկոս պետական աջակցության ֆոնդով: Այսուհետև բոլոր այն մարդիկ, ովքեր հետաքրքրված են նմանօրինակ մոբիլ, էներգախնայող չորանոցի ձեռքբերմամբ, կարող են ձեռք բերել ԱԳԲԱ Լիզինգի միջոցով: Սարքավորման մեջ արևային էներգիան օգտագործվում է երկու մեթոդով՝ օդատաքացման ու ջրատաքացման: Օգտագործվում է պոմպ, խնայող սարքեր, ապահովում է հոսք, որ միրգը չորանա հավասար: Ունենք խելացի կոնտրոլներ, ղեկավարման լոգիկա, ինչը ամենակարևորներից մեկն է, քանի որ ճիշտ հերթականությամբ պետք է աշխատեն, որպեսզի ունենանք առավելագույն էներգախնայողություն, կարճ չորացման ժամանակ և առավելագույն բարձր որակ»,- նշել է «Օպտիմում Էներջի» և «Արեգի» ընկերությունների համահիմնադիր Արմեն Ղարիբյանը: ԱԳԲԱ Լիզնիգը վերահսկվում է ՀՀ ԿԲ կողմից: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Տավուշում բերման ենթարկված 13 անձից 8-ին ազատ են արձակվել․ Քաղաքագետ Սուրեն Պետրոսյանը ձերբակալվել է Սուրեն Պետրոսյանին տեսակցել է Մարդու իրավունքների պաշտպանը Մատվիենկոն՝ Սիմոնյանի ելույթի մասին․ Չենք կարող անուշադրության մատնել նման հակառուսական հայտարարությունները Կարասինն ասել է, որ սխալ կլիներ անտեսել ելույթը, որը «համերշախություն է հայտնում Կիևի նացիստական ռեժիմի հետ» Բայդեն․ Հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը «Մինչ մենք սգում ենք այս ողբերգությունը, մենք նաև պատվում ենք հայ ժողովրդի տոկունությունը»,–ասել է նա Լաքոտ. Եկեք լինենք ճշմարտության և արդարության կողմից Նա նշել է, որ Ապրիլի 24-ը Հայոց ցեղասպանության հիշատակի օրն է |