ՄԻՊ․ Գովերգվում է այլընտրանքային ճանապարհը, որը դիտարկվում է ադրբեջանական ԶՈւ կողմից 17 դեկտեմբերի 2021 - 19:06 AMT PanARMENIAN.Net - ՀՀ մարդու իրավունքների պաշտպան Արման Թաթոյանը «Մարդու իրավունքների խախտումներն Արցախյան 44-օրյա պատերազմի ընթացքում» զեկույցի ժամանակ ասել է՝ սխալ է ասել, թե պատերազմն ավարտվել է, քանի որ այն տեղայնացվել է՝ ունենում ենք կրակոցներ, մարդիկ են սպանվում, այդ թվում՝ քաղաքացիական անձինք։ ՄԻՊ-ը նշել է, որ գովերգվում է այլընտրանքային ճանապարհը, բայց այն դիտարկվում է ադրբեջանական զինված ուժերի կողմից, գրում է «Փաստինֆոն»։ «Աչքի տեսանելիությամբ հնարավոր է տեսնել․․․ Օրինակ Գեղանուշ գյուղն ամբողջությամբ հայտնվել է դիտարկման ներքո, հետևաբար ճիշտն արդբեջանական զինված ուժերի ներկայացուցիչներին հեռացնելու քաղաքականությունն է»,-ասել է Արման Թաթոյանը։ Մարդու իրավունքների պաշտպանը նշել է, որ կարևոր է հասկանալ, թե որտեղ են խնդիրներն ու իրավունքների խախտումների համար իրական պատճառները, որ հնարավոր լինի նպաստել դրանց կանխարգելմանը։ Արման Թաթոյանն ընդգծել է, որ պատերազմից հետո ադրբեջանական զինված ուժերը հայտնվել են հայկական գյուղերի հարևանությամբ, համայնքների միջև ճանապարհներին, ինչի պատճառով ինտենսիվացել են մարդու իրավունքների խախտումները։ «Կրակոցներ, ահաբեկչական բնույթի արարքներ, գողություններ են կատարվում, ճանապարհների փակման հետևանքով մտադրված, ադրբեջանական իշխանությունների կազմակերպմամբ մեր գյուղերը հայտնվել են մեկուսացման լուրջ խնդիրների առաջ»,-ասել է Թաթոյանը։ Նրա խոսքով ադրբեջանական իշխանությունների ատելության ու թշնամանքի քաղաքականությունը բացահայտ ցեղասպան բնույթ ունի, և այդ հետևությունը հիմնված է լիարժեք ապացույցների վրա։ Ավելի վաղ Արման Թաթոյանը, անդրադառնալով այլընտրանքային ճանապարհին, ասել էր, որ անհրաժեշտ ելքը մեկն է՝ ադրբեջանական զինված կամ այլ ծառայողներ ՀՀ համայնքների հարևանությամբ կամ համայնքների միջև ճանապարհներին չպետք է լինեն, պետք է ստեղծվի անվտանգության ապառազմականացված գոտի:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
