Վոլոդյա Գրիգորյանը դրսում է երդվել․ Ոստիկանությունը փակել էր Փարաքարի համայնքապետարանի մուտքը23 դեկտեմբերի 2021 - 16:07 AMT PanARMENIAN.Net - Փարաքար համայնքում «Ապրելու երկիր» կուսակցության համայնքապետի թեկնածու Վոլոդյա Գրիգորյանի երդմնակալությունը տեղի է ունեցել արտասովոր պայմաններում: Ոստիկանությունը փակել է Փարաքարի համայնքապետարանի մուտքը և թույլ չի տվել Վոլոդյա Գրիգորյանին ներս մտնել, տեղեկացնում է «Փաստինֆոն»։ Համայնքապետի թեկնածուն էլ երդվել է Մշակույթի տան դիմաց տեղադրված ամբիոնի մոտ: Վոլոդյա Գրիգորյանն իր աջակիցների դիմաց ընթերցել է համայնքապետի լիազորությունների ստանձնման երդման տեքստը: «Ապրելու երկիր» կուսակցության համահիմնադիրներ Մեսրոպ Առաքելյանը և Մանե Թանդիլյանը փորձել են ոստիկաններից պարզաբանում ստանալ՝ ինչո՞ւ թույլ չեն տալիս մտնել համայնքապետարան, ոստիկանները որևէ հիմք չեն ներկայացրել, միայն ասել են, թե ժամանակավորապես մուտքն արգելված է: Փարաքար խոշորացված համայնքում միանգամից երկու թեկնածու՝ «Դավիթ Մինասյան» դաշինքի համայնքապետի թեկնածու Դավիթ Մինասյանը և «Ապրելու երկիր» կուսակցության թեկնածու Վոլոդյա Գրիգորյանը հայտարարել են, որ ընտրվել են համայնքի ղեկավար: Դեկտեմբերի 23-ին նախատեսված է երկու նոր համայնքապետի երդմնակալության արարողությունը: ՏԻՄ ընտրության արդյունքներով առաջատարը «Ապրելու երկիր» կուսակցությունն էր, որը ստացել էր ձայների 48.94%-ը, «Դավիթ Մինասյան» դաշինքը ստացել էր 23.51%, իսկ ՔՊ-ն 27.54%-ը և որևէ կուսակցություն մեծամասնություն չէր կազմել: ՔՊ-ն և «Դավիթ Մինասյան դաշինքը» առաջադրել են Դավիթ Մինասյանի թեկնածությունը։ Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | ԵԱՏՄ–ում ռոումինգի գնագոյացման կանոնները կընդունվեն մինչև 2024-ի վերջ Դեռևս մնում են բաց հարցեր Եվրախորհրդի անվտանգության հարցերով կոմիտեի անդամները կայցելեն ՀՀ Նրանք կլինեն նաև Ադրբեջանում և Վրաստանում Սոլովյովի հեղինակային հաղորդումների հեռարձակումը ՀՀ–ում արգելափակվել է Այդ մասին հայտնել է ԲՏԱ փոխնախարարը Սիմոնյանը` Տավուշի գյուղերի մասին. Ոչ ոք չի հանձնում՝ դեմարկացիա ենք անում Նա վստահեցրել է, որ այն, ինչ Հայաստանինն է, ՀՀ իշխանությունը դեմարկացիայի է ենթարկելու, իսկ այն, ինչ Ադրբեջանինն է, կարող է մնալ նրանց |