ՀՀ և Թուրքիայի հատուկ ներկայացուցիչները Մոսկվայում են․ Ժամանել են ՌԴ ԱԳՆ ընդունելությունների տուն

ՀՀ և Թուրքիայի հատուկ ներկայացուցիչները Մոսկվայում են․ Ժամանել են ՌԴ ԱԳՆ ընդունելությունների տուն

PanARMENIAN.Net - Հայաստանի և Թուրքիայի հատուկ ներկայացուցիչներ Ռուբեն Ռուբինյանը և Սերդար Քըլըչը Մոսկվայում են՝ նրանք ժամանել են ՌԴ ԱԳՆ ընդունելությունների տուն, տեղեկացնում է ՌԻԱ Նովոստին։

Հունվարի 14-ին Մոսկվայում նախատեսված է Հայաստան-Թուրքիա երկխոսության գործընթացում երկու երկրի հատուկ ներկայացուցիչների առաջին հանդիպումը:

Հունվարի 13-ին ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով հունվարի 14-ին Մոսկվայում կայանալիք ՀՀ և Թուրքիայի ներկայացուցիչների առաջին հանդիպմանը, ասել է, որ Մոսկվան չի մասնակցելու Երևանի և Անկարայի բանակցություններին։ Նա հավելել է, որ ընդհանուր առմամբ սատարում են երկկողմ հարաբերությունների կարգավորմանը։

Ավելի վաղ ՀՀ արտաքին գործերի նախարարության մամուլի քարտուղար Վահան Հունանյանը՝ Հայաստանի և Թուրքիայի հատուկ ներկայացուցիչների՝ հունվարի 14-ին ծրագրված առաջին հանդիպմանն ընդառաջ Արմենպրեսի հետ զրույցում ընդգծել էր, որ հայկական կողմի տպավորությամբ Թուրքիայի կառավարությունը նույնպես կիսում է առանց նախապայմանի երկխոսություն սկսելու մոտեցումը։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---