  Լաքոթ․ ՀՀ-ում ֆրանսիական ինստիտուտ կբացվի՝ Կասկադի վերևում, «Ազանվուր» կենտրոնում 18 հունվարի 2022 - 13:08 AMT PanARMENIAN.Net - Հայաստանում Ֆրանսիայի նախկին դեսպան Ջոնաթան Լաքոթը ֆեյսբուքյան իր էջում տեղեկացրել է ՀՀ-ում ֆրանսիական ինստիտուտի ստեղծման մասին, որը տեղակայվելու է Կասկադի վերևում՝ «Ազանվուր» կենտրոնում։ «Շատ ուրախ եմ, որ Հայաստանում գտնվելու չորս տարիների ընթացքում նախագծել, մշակել և իրականացրել եմ այս նախագիծը «Ազնավուր» հիմնադրամի հետ համատեղ։ Ինստիտուտը թույլ կտա միավորել բոլոր այն ծրագրերը, որոնք կնպաստեն երկու երկրների մշակութային հարաբերությունների զարգացմանը և հեղինակավոր հարթակ կդառնա ՀՀ-ում ֆրանսիական մշակույթն ու լեզուն ներկայացնելու համար։ Այս ինստիտուտի համար մենք պարտական ենք բոլոր այն հայերին, որոնք սիրում են Ֆրանսիան, ուսուցիչներին, որոնք ուսուցանում են մեր լեզուն, երիտասարդներին, որոնք հետաքրքրվում են մեր մշակույթով, բոլոր նրանց, որոնք ընկալում են մեր արժեքները: Դիվանագիտական հարաբերությունների հաստատումից 30 տարի անց այդպիսի ինստիտուտի ստեղծումը լրացնում է Հայաստանում ֆրանսիական համակարգի բացը և համահունչ է հայ հասարակության անկեղծ սպասումներին»,- ասվում է գրառման մեջ։ Դեռևես 2021-ին Լաքոթը գրել էր, որ Հայաստանի Ֆրանսիական ինստիտուտը աշխարհում ամենագեղեցիկներից մեկը կլինի՝ Երևանի սրտում, «Կասկադի» բարձունքին, որտեղից ցնցող տեսարան է բացվում դեպի Արարատ լեռը։ ՀՀ-ում Ֆրանսիական ինստիտուտի ստեղծման մասին համաձայնագիրը ստորագրվել է ՀՀ և Ֆրանսիայի նախագահներ Արմեն Սարգսյանի և Էմանուել Մակրոնի հովանու ներքո 2018 թվականին՝ Երևանում Ֆրանկոֆոնիայի գագաթնաժողովի ժամանակ։   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա  Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներԼեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստումԱլիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասինՊատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա |
