DISQO-ն և ԱՏՁՄ-ն պատերազմի մասնակիցների համար անվճար դասընթաց են սկսում 1 փետրվարի 2022 - 13:35 AMT PanARMENIAN.Net - DISQO ընկերությունն Առաջատար տեխնոլոգիաների ձեռնարկությունների միության (ԱՏՁՄ) «Բանակից՝ ՏՏ ոլորտ» ծրագրով արցախյան պատերազմի մասնակիցների համար անվճար դասընթաց է մեկնարկում: Դիմումներն ընդունվելու են մինչև փետրվարի 27-ը ներառյալ։ Դասընթացի ծրագիրը մշակել է DISQO-ի մասնագիտական թիմը, այն միտված է պատրաստելու որակի ապահովման սկսնակ մասնագետների։ Ծրագիրը կմեկնարկի մարտից, կտևի 2 ամիս, և կանցկացվի շաբաթական 2-3 անգամ՝ լսարանային և առցանց ձևաչափով՝ հնարավորություն տալով ընդգրկել մասնակիցներ նաև մարզերից։ «2021-ին իրականացրած 2 դասընթացի արդյունքում մասնակիցներից 27-ը հաջողությամբ ավարտեցին կրթական ծրագիրը, իսկ նրանցից երկուսն այժմ փորձաշրջան են անցնում մեր ընկերությունում։ Ավելին՝ մյուս շրջանավարտները ևս ստացել են աշխատանքի և փորձաշրջանի հնարավորություններ այլ տեխնոլոգիական ընկերությունների կողմից»,- ասել է DISQO-ի հայաստանյան գրասենյակի ղեկավար Թանիա Սահակյանը: ԱՏՁՄ կրթական ծրագրերի տնօրեն Շամամ Գևորգյանն ասել է․ «Մեզ համար կարևորագույն պատասխանատվություն է ՏՏ ոլորտում գործունեություն վարելու նպատակով հնարավորություններ ստեղծել պատերազմների հետևանքով տուժած խմբերի համար»։ DISQO-ն արդեն 3 տարի է շարունակաբար ընդլայնում է թիմը Հայաստանում։ 2021 թվականին ընկերությունը կրթական արշավ սկսեց՝ համագործակցելով ոչ միայն ԱՏՁՄ-ի, այլև այլ կրթական կենտրոնների հետ՝ Armenian Code Academy, Learning Mission, Գյումրու տեղեկատվական տեխնոլոգիաների կենտրոն։ Արդյունքում 150-ից ավելի ուսանող վերապատրաստվեց և 25 փորձնակ համալրեց ընկերության թիմը։ DISQO-ն հիմնադրվել է 2015-ին ամերիկահայ գործարարներ Արմեն Աճեմյանի, Դրո Քոչարյանի և Արմեն Պետրոսյանի կողմից։ Ընկերության հաճախորդները աշխարհի ամենախոշոր 1000 ընկերությունների ցանկից են (Fortune 1000), մասնավորապես՝ 175 աշխարհահռչակ բրենդեր, 125 խոշորագույն հետազոտակաn ընկերություններ, և 35 առաջատար գովազդային գործակալություններ: Վերջիններս օգտվում են DISQO-ի պլատֆորմից, որտեղից սպառողական կարծիքն ու վարքագիծը միահյուսելով եզակի վերլուծություններ են ստանում բրենդի առաջխաղացման և բիզնեսի համար տվյալահեն և ստույգ որոշումներ կայացնելու համար։ Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Լավրով․ ՀՀ իշխանությունը գիտակցաբար փլուզում է ՌԴ հետ հարաբերությունները Նա նաև ասել է, թե ԵՄ առաքելությունը վերածվում է ՆԱՏՕ–ի առաքելության Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ |