Covid-19-ի դեմ բուստեր դեղաչափով կարող են պատվաստվել 18 և բարձր տարիքի անձինք։ Այդ մասին ֆեյսբուքյան իր էջում գրել է առողջապահության նախարար Անահիտ Ավանեսյանը։
Բուստեր դեղաչափը կարելի է ստանալ պատվաստման ամբողջական կուրսից հետո առնվազն 3 ամիս անց։
Հայաստանում փետրվարի 14-ի դրությամբ կորոնավիրուսի դրական թեստ ունեցողների 74,7%-ը պատվաստված չէ, պատվաստված չէ կորոնավիրուսով հոսպիտալացվածների 82%-ը:
Ավելի վաղ հայտնի դարձավ, որ կորոնավիրուսի դեմ Pfizer պատվաստանյութն առաջիկա երկուշաբթի օրվանից՝ փետրվարի 21-ից հասանելի կլինի ՀՀ պատվաստման բոլոր կետերում։ Բոլոր շահառուները կարող են ստանալ այն ինչպես առաջին ու երկրորդ պատվաստումների, այնպես էլ խթանիչ դեղաչափի տեսքով։