Պուտին․ ՌԴ-ն պատրաստ է բարձր մակարդակի բանակցությունների Ուկրաինայի հետ25 փետրվարի 2022 - 16:52 AMT PanARMENIAN.Net - Ռուսաստանը պատրաստ է բարձր մակարդակի բանակցություններ վարել Ուկրաինայի հետ։ Այդ մասին ՌԴ նախագահ Վլադիմիր Պուտինը հայտարարել է Չինաստանի նախագահ Սի Ծինփինի հետ հեռախոսազրույցում, հայտնում է ՌԻԱ Նովոստին։ «Ռուսաստանը պատրաստ է բարձր մակարդակի բանակցություններ վարել Ուկրաինայի հետ»,- ասել է Պուտինը, որին մեջբերել է Չինաստանի ԱԳՆ-ն։ ՌԴ նախագահի մամուլի քարտուղար Դմիտրի Պեսկովն իր հերթին հայտարարել է, որ ՌԴ-ն պատրաստ է պատվիրակություն գործուղել Մինսկ՝ Ուկրաինայի հետ բանակցությունների համար, հայտնում է ՏԱՍՍ-ը։ «Պուտինը պատրաստ է Մինսկ գործուղել պատվիրակություն՝ պաշտպանության նախարարության, ԱԳՆ-ի և նախագահի աշխատակազմի մակարդակով, ուկրաինական պատվիրակության հետ բանակցությունների համար»,-ասել է նա։ Պեսկովը հավելել է, որ Բելառուսի նախագահ Ալեքսանդր Լուկաշենկոն հավաստիացրել է Պուտինին, որ Մինսկը պատրաստ կլինի բոլոր անհրաժեշտ պայմանները ստեղծել ՌԴ և Ուկրաինայի միջև բանակցային գործընթացի համար։ Փետրվարի 24-ի վաղ առավոտյան ՌԴ նախագահ Վլադիմիր Պուտինը հայտարարել է Դոնբասում հատուկ ռազմական գործողության մասին։ Նա ասել է, որ նպատակը մարդկանց պաշտպանելն է, որոնք «ենթարկվում են ցեղասպանության Կիևի ռեժիմի կողմից»։ Պուտինը հավելել է, որ ՌԴ-ն ձգտելու է Ուկրաինայի «ապառազմականացմանը և ապանացիֆիկացիայի»։ Ուկրաինայի ամբողջ տարածքում ռազմական դրություն է հայտարարվել։ Զելենսկին հայտարարել է ՌԴ հետ հարաբերությունները խզելու մասին։ Եվրամիության պետությունների և կառավարությունների ղեկավարները համաձայնեցրել են Մոսկվայի դեմ պատժամիջոցների նոր, արդեն երկրորդ փաթեթը՝ Ուկրաինա ռուսական զորքերի ներխուժումից հետո։ Պատժամիջոցների նոր փաթեթը վերաբերում է ՌԴ բանկային շուկայի 70 տոկոսին և առանցքային պետական ձեռնարկություններին, այդ թվում՝ ռազմարդյունաբերության: Պատժամիջոցներն ուղղված են նաև ՌԴ տնտեսության էներգետիկ և տրանսպորտային ոլորտների դեմ, առնչվում են նաև արտահանման վերահսկողությանն ու նոր ֆիզիկական անձանց ներգրավմանը պատժամիջոցների ցուցակում։։ Photo. TASS Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | Պապոյան. ՌԴ դեմ ԵՄ պատժամիջոցները բացասաբար են ազդում ՀՀ տնտեսության վրա Օրինակ` խոսքը պղնձի հանքաքարի կամ ալյումինե փայլաթիթեղի արտահանման մասին է Շվեյցարիան Մարդասիրական կորպուսիր մասնագետների կգործուղի Լոռի ու Տավուշ Նրանք իրականացնելու են կամուրջների և այլ ենթակառուցվածքների ամրության գնահատում Սուրենյան․ Հունիսը ևս տեղումնառատ կլինի՝ հունիսի 7–ից Սև ծովից ցիկլոն կներթափանցի Նա նշել է, որ առատ տեղումներ կլինեն, բայց ոչ այն հաճախականությամբ ու ինտենսիվությամբ, ինչ մայիսին Ovio-ն ՀՀ հզորագույն Տվյալների մշակման կենտրոնի կիբերանվտանգությանն ուղղված լուծումներ է ներկայացրել CyberGEN 2024-ում Համաժողովը մասնակիցների թվով ամենախոշոր միջոցառումն է Հայաստանում |