Ikea-ն, H&M-ը, Lacoste-ը և այլք կասեցնում են աշխատանքը ՌԴ-ում 3 մարտի 2022 - 18:55 AMT PanARMENIAN.Net - Շվեդական Ikea կահույք արտադրող ընկերությունը կասեցնում է իր աշխատանքը Ռուսաստանում և Բելառուսում։ Ընկերությունը հավաստիացրել է, որ աշխատակիցները կշարունակեն աշխատել պահեստներում և աշխատավարձ ստանալ, գրում է BBC-ն։ Ըստ էության, դա նշանակում է, որ ընկերությունը կասեցնում է արտադրանքի ամբողջ արտահանումն ու ներմուծումը։ «Միևնույն ժամանակ Мега առևտրի կենտրոնը կշարունակի աշխատել, որպեսզի մարդիկ ՌԴ-ում կարողանան սնունդ և դեղեր գնել»,-ասել են ընկերությունում։ Hennes & Mauritz (H&M), Incanto, Henderson և Lacoste խանութները մարտի 3-ին չեն բացվել Մոսկվայի առևտրի կենտրոններում, հայտնում է ՌԻԻ Նովոստին։ Smirnoff օղու և Guinness գարեջրի արտադրողը հայտարարել է արտահանումը ՌԴ և Ուկրաինա դադարեցնելու մասին։ Diageo ընկերությունն արտադրում է Smirnoff, Guinness, Johnnie Walker, Capitan Morgan, Baileys ալկոհոլային ապրանքանիշերը։ Volkswagen-ը կասեցնում է ավտոմեքենաների արտադրությունը Ռուսաստանում՝ մինչ հատուկ կարգադրություն։ Volkswagen ապրանքանիշից բացի այդ կոնցերնին են պատկանում ևս մի քանի ավտոմոբիլային ապրանքանիշեր՝ Audi-ն, Porsche-ն և Skoda-ն։ Փետրվարի 24-ի վաղ առավոտյան ՌԴ նախագահ Վլադիմիր Պուտինը հայտարարել է Դոնբասում հատուկ ռազմական գործողության մասին։ Նա ասել է, որ նպատակը մարդկանց պաշտպանելն է, որոնք «ենթարկվում են ցեղասպանության Կիևի ռեժիմի կողմից»։ Պուտինը հավելել է, որ ՌԴ-ն ձգտելու է Ուկրաինայի «ապառազմականացմանը և ապանացիֆիկացիայի»։ Ուկրաինայի ամբողջ տարածքում ռազմական դրություն է հայտարարվել։ Զելենսկին հայտարարել է ՌԴ հետ հարաբերությունները խզելու մասին։ Եվրամիության պետությունների և կառավարությունների ղեկավարները Մոսկվայի դեմ պատժամիջոցների մի քանի փաթեթ են ընդունել՝ Ուկրաինա ռուսական զորքերի ներխուժումից հետո։ Պատժամիջոցները վերաբերում են ՌԴ բանկային շուկայի 70 տոկոսին և առանցքային պետական ձեռնարկություններին, այդ թվում՝ ռազմարդյունաբերության: Պատժամիջոցներն ուղղված են նաև ՌԴ տնտեսության էներգետիկ և տրանսպորտային ոլորտների դեմ, առնչվում են նաև արտահանման վերահսկողությանն ու նոր ֆիզիկական անձանց ներգրավմանը պատժամիջոցների ցուցակում։ Պատժամիջոցներ են սահմանվել նաև սպորտի և մշակույթի ոլորտում, ինչպես նաև արվեստի առանձին գործիչների դեմ։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |