Երեւանում տեղի կունենա Գյոց Բերնաու եւ Սայալի Դադաս դուետի համերգը
Հայաստանում Գերմանիայի շաբաթների շրջանակում Գերմանիայի Դաշնային Հանրապետության դեսպանությունը ՀՀ մշակույթի նախարարության աջակցությամբ ներկայացնում է Գյոց Բերնաու եւ Սայալի Դադաս դուետը՝ ապրիլի 2-ին Ա. Բաբաջանյանի անվան համերգասրահում։ Այդ մասին հաղորդեցին Հայաստանում Գերմանիայի Դաշնային Հանրապետության դեսպանության մամլո ծառայությունից:
Երկու երաժիշտների երկարամյա երաժշտական կարիերան հաջողություններով է պսակվել թե Գերմանիայում եւ թե նրա սահմաններից դուրս։
Դաշնակահար Սայալի Դադասը, ով ուսանել է Բաքվի կոնսերվատորիայում եւ ապա Բեռլինի Արվեստների համալսարանում, այժմ այլ երաժշտական հաստատությունների թվում դասավանդում է նաեւ այս համալսարանում եւ վարպետության դասեր է տալիս Ճապոնիայում։
Ջութակահար Գյոց Բերնաուն ուսումնառությունից հետո դարձել է Գերմանիայի ամենաերիտասարդ կոնցերտմայստերը եւ երկար տարիներ աշխատել է «Berliner Symphoniker» նվագախմբի հետ։ Իր գործունեության համար նա պարգեւատրվել է Գերմանիայի Դաշնային Հանրապետությանը մատուցած ծառայությունների համար խաչով։
Դուետի համերգային ծրագրում այլ գործերի թվում կներկայացվեն նաեւ Լ. վան Բեթհովենի, Ա. Հարությունյանի, Ա. Խաչատրյանի, Ա. Սպենդիարյանի ստեղծագործությունները։
Ապրիլի 3-ին Բերնաու եւ Դադաս դուետը ելույթ կունենա նաեւ Դիլիջանի Արվեստի պետական քոլեջում:
Երկու երաժիշտների երկարամյա երաժշտական կարիերան հաջողություններով է պսակվել թե Գերմանիայում եւ թե նրա սահմաններից դուրս։
Դաշնակահար Սայալի Դադասը, ով ուսանել է Բաքվի կոնսերվատորիայում եւ ապա Բեռլինի Արվեստների համալսարանում, այժմ այլ երաժշտական հաստատությունների թվում դասավանդում է նաեւ այս համալսարանում եւ վարպետության դասեր է տալիս Ճապոնիայում։
Ջութակահար Գյոց Բերնաուն ուսումնառությունից հետո դարձել է Գերմանիայի ամենաերիտասարդ կոնցերտմայստերը եւ երկար տարիներ աշխատել է «Berliner Symphoniker» նվագախմբի հետ։ Իր գործունեության համար նա պարգեւատրվել է Գերմանիայի Դաշնային Հանրապետությանը մատուցած ծառայությունների համար խաչով։
Դուետի համերգային ծրագրում այլ գործերի թվում կներկայացվեն նաեւ Լ. վան Բեթհովենի, Ա. Հարությունյանի, Ա. Խաչատրյանի, Ա. Սպենդիարյանի ստեղծագործությունները։
Ապրիլի 3-ին Բերնաու եւ Դադաս դուետը ելույթ կունենա նաեւ Դիլիջանի Արվեստի պետական քոլեջում:
