Մարտի լույս 17-ի գիշերը Ճապոնիայի հյուսիս-արևելքում 7.3 մագնիտուդով երկրաշարժ է տեղի ունեցել։ Ըստ պաշտոնական տվյալների՝ 2 մարդ է զոհվել, 90-ը՝ վիրավորվել։
Ուժգին երկրաշարժի հետևանքով մոտ 2 մլն տուն զրկվել է էլեկտրականությունից, հայտնում է BBC-ն։
Երկրաշարժը տեղի է ունեցել նույն շրջանում, որտեղ 11 տարի առաջ երկրաշարժով պայմանավորված Ֆուկուսիմայի միջուկային աղետն էր։
Երկրաշարժը գրանցվել է 57 կմ խորության վրա, Գրինվիչով՝ ժամը 14:36-ին։ Հայտարարվել է, որ հնարավոր են հետցնցումներ Ֆուկուսիմա, Միյագի և Յամագատա նահանգներում։