Ալիև․ ՀՀ և Ադրբեջանի միջև խաղաղ պայմանագիրը պետք է հնարավորինս սեղմ ժամկետում ստորագրվի31 մարտի 2022 - 18:36 AMT PanARMENIAN.Net - Ադրբեջանի նախագահ Իլհամ Ալիևը ԵԱՀԿ գործող նախագահ, Լեհաստանի ԱԳ նախարար Զբիգնև Ռաուի հետ հանդիպմանը հույս է հայտնել, որ ապրիլի 6-ին Բրյուսելում ՀՀ վարչապետ Նիկոլ Փաշինյանի հետ կայանալիք հանդիպումն արդյունավետ կլինի։ «Արդեն մի քանի հանդիպում է տեղի ունեցել և մենք պետք է գնանք Ադրբեջանի և ՀՀ միջև խաղաղ պայմանագրի ստորագրմանը և որքան հնարավոր է սեղմ ժամկետում ստորագրենք այդ փաստաթուղթը։ Ադրբեջանն արդեն ներկայացրել է իր սկզբունքները»,-ասել է նա, գրում է Interfax.az-ը։ Նա ասել է, որ Ադրբեջանը լուծել է ղարաբաղյան հակամարտությունը և հիմա ժամանակն է կարգավորել հայ-ադրբեջանական հարաբերությունները։ «Հակամարտությունն արդեն կարգավորված է։ Ադրբեջանն ինքը դա արեց և հիմա ժամանակն է կարգավորել Բաքվի և Երևանի հարաբերությունները։ Մենք որոշակի ազդակներ ենք ստանում ՀՀ պաշտոնյաներից։ Ինչպես ինձ ասացին, հաղորդագրություններից մեկն այն է, որ նրանք ընդունելի են համարում մեր առաջարկները։ Դա շատ լավ նորություն է և հուսով եմ՝ այդ հարցը կպարզաբանվի Բրյուսելում։ Մեր ներկայացրած 5 սկզբունքները արտացոլում են միջազգային իրավունքի նորմերը․․․ Տարածքային ամբողջականության և միջազգային սահմանների անխախտելիության փոխադարձ ճանաչում, իսկ հետո՝ սահմանազատում՝ կարծում եմ, այդ հիմքի վրա Կովկասում խաղաղություն կհաստատվի»,-ասել է նա։ Մարտի 31-ի կառավարության նիստում վարչապետ Նիկոլ Փաշինյանը հայտարարել է, որ Ադրբեջանի փոխանցած 5 կետանոց առաջարկին ՀՀ-ն արձագանքել է թե հրապարակային, թե աշխատանքային-դիվանագիտական խողովակներով: «Այս պատասխանը նշանակում է, որ Հայաստանի համար ընդունելի է փոխադարձաբար տարածքային ամբողջականության և սահմանների անխախտելիության ճանաչման սկզբունքը: Եվ ուրեմն հարց է ծագում, ինչո՞ւ է Ադրբեջանը այս արձագանքը համարում արձագանքի բացակայություն: Պատճառն այն է, որ ՀՀ-ն իր հրապարակային և դիվանագիտական արձագանքներում արձանագրել է, որ կա Լեռնային Ղարաբաղի հիմնախնդիր և Հայաստան-Ադրբեջան համապարփակ կարգավորման համատեքստում պետք է հասցեագրվի Լեռնային Ղարաբաղի հայության իրավունքների հարցը»,-ասել է նա: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |