Ապրիլի 8-ին ՀՀ ԱԳ նախարար Արարատ Միրզոյանն աշխատանքային այցով գտնվելու է Ռուսաստանի Դաշնությունում, հայտնում է ԱԳՆ մամուլի քարտուղար Վահան Հունանյանը:

Այցի շրջանակում տեղի է ունենալու ՀՀ և ՌԴ ԱԳ նախարարների հանդիպումը:

Մոսկվայում Արարատ Միրզոյանը կհանդիպի նաև ՀԱՊԿ Գլխավոր քարտուղար Ստանիսլավ Զասի հետ:

Ապրիլի երկրորդ տասնօրյակում նախատեսվում է ՀՀ վարչապետ Նիկոլ Փաշինյանը պաշտոնական այցը Մոսկվա, որին նախորդող ԱԳ նախարար Արարատ Միրզոյանի այցը նախապատրաստական է։ Կառավարության մարտի 10-ի նիստում Փաշինյանն ասել էր․ «Մենք հիմա այդ այցի նախապատրաստական փուլում ենք, և պետք է ամեն ինչ անել, որպեսզի այդ այցը նույնպես բարձր մակարդակով և հարուստ բովանդակությամբ ընթանա», - ասել էր վարչապետը։