Ալիև․ Հայկական կողմն ընդունել է Ադրբեջանի 5 սկզբունքը11 ապրիլի 2022 - 11:13 AMT PanARMENIAN.Net - Ադրբեջանի նախագահ Իլհամ Ալիևը հայտարարել է, որ իր երկրի 5 սկզբունքից բաղկացած փաստաթուղթ է ներկայացրել ՀՀ հետ միջպետական հարաբերությունների հաստատման համար, և նշել, որ «հայկական կողմն ընդունել է այդ սկզբունքները»։ Այդ մասին ասվում է Ադրբեջանի նախագահի մամուլի ծառայության հայտարարության մեջ, որը տարածվել է Իլհամ Ալիևի և ՌԴ նախագահ Վլադիմիր Պուտինի ապրիլի 9-ի հեռախոսազրույցից հետո, որի ընթացքում կողմերը քննարկել են «Բաքվի և Երևանի միջև հարաբերությունների կարգավորումը»։ «Զրույցի ընթացքում կարծիքներ են փոխանակվել ՀՀ և Ադրբեջանի միջև հարաբերությունների կարգավորման և ապրիլի 6-ին երկու երկրի ղեկավարների՝ Բրյուսելում կայացած եռակողմ հանդիպման մասին»,-ասվում է հաղորդագրության մեջ, գրում է Interfax.az-ը։ Նշվում է, որ հեռախոսազրույցի ընթացքում քննարկվել է նաև աշխատանքային խմբի ձևավորումը, որը զբաղվելու է ՀՀ և Ադրբեջանի միջև խաղաղ պայմանագրի նախապատրաստմամբ, ինչպես նաև անդրադարձ է եղել ՌԴ, Ադրբեջանի և ՀՀ մասնակցությամբ տրանսպորտային հարցերով աշխատանքային խմբի գործունեությանը և հետագա շփումներին այդ շրջանակում։ Ապրիլի 9-ին հեռախոսազրույց է տեղի ունեցել նաև ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի միջև։ Զրուցակիցները կարևորել են Ադրբեջանի հետ խաղաղության պայմանագրի ստորագրման և դելիմիտացիայի աշխատանքների մեկնարկի մասին պայմանավորվածությունները: Ռուսաստանի նախագահը պատրաստակամություն է հայտնել լիարժեք աջակցել նշված գործընթացներին: Ապրիլի 6-ին Բրյուսելում Փաշինյան-Ալիև հանդիպում է տեղի ունեցել Եվրոպական խորհրդի նախագահ Շառլ Միշելի մասնակցությամբ, ձեռք է բերվել պայմանավորվածություն` 2021թ. նոյեմբերի 26-ին Սոչիի համաձայնության համաձայն` մինչև ապրիլի վերջ ստեղծել Հայաստանի և Ադրբեջանի միջև սահմանների դելիմիտացիայի հարցերով երկկողմ հանձնաժողով, որն օժտված կլինի նաև սահմանի երկայնքով անվտանգություն և կայունություն ապահովելու հարցերով զբաղվելու լիազորությամբ։ Հայաստանի վարչապետը և Ադրբեջանի նախագահն արտաքին գործերի նախարարներին հանձնարարել են մեկնարկել երկու երկրի միջև խաղաղության բանակցությունների նախապատրաստական աշխատանքները: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |