Ընդդիմադիրները չեն մասնակցի ԱԺ քառօրյային․ Արցախ են մեկնում

Ընդդիմադիրները չեն մասնակցի ԱԺ քառօրյային․ Արցախ են մեկնում

PanARMENIAN.Net - Ազգային ժողովի ընդդիմադիր խմբակցությունները չեն մասնակցի մեկնարկած քառօրյայի նիստերին, քանի որ պատգամավորները մեկնում են Արցախ և Հայաստանի սահմանամերձ մարզեր։ Այդ մասին խորհրդարանում հայտարարել է «Հայաստան» խմբակցության ղեկավար Սեյրան Օհանյանը։

«Պատիվ ունեմ» խմբակցության քարտուղար Հայկ Մամիջանյանը ևս հաստատել է դա իր խմբակցության անունից։

Պատգամավորները դա պայմանավորել են այն լրջագույն մարտահրավերներով, որոնց առաջ են կանգնած են Հայաստանն ու Արցախը, և այն կարմիր գծերով, որոնցից այն կողմ որևէ իշխանություն իրավունք չունի անցնելու։

«Մեզ համար սակարկելի չեն ՀՀ անկախության հռչակագրում նշված դրույթները , մեր տարածքային ամբողջականությունը և սուվերենությունը, անընդունելի ենք համարում ԼՂ հակամարտության որևէ տարբերակ, որի դեպքում Արցախը կարող է հայտնվել Ադրբեջանի կազմում»,-ասել է Օհանյանը՝ հավելելով, որ ամեն ինչ ընթանում է թուրք-ադրբեջանական տանդեմի օրակարգով, իսկ իշխանությունը Արցախին առնչվող բոլոր հարցերում կրավորական դիրք է ընդունել։

Ելույթի վերջում Սեյրան Օհանյանը Արցախի դրոշը տեղադրել է ԱԺ ամբիոնին: Նրանից հետո ելույթ ունեցող ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը ամբիոնից հանեց Արցախի դրոշը։

 Ուշագրավ
Նա հավելել է, որ փաստացի, ադրբեջանական զինված ուժերը հայտնվել են ռուս խաղաղապահների թիկունքում
Նշվում է նաև, որ ներխուժած ադրբեջանական ստորաբաժանումները մարտի լույս 25-ի գիշեր կրակ են բացել
Դեսպանատան ոչ մեծ թվով աշխատակիցներ դիտարկել են ընտրությունները՝ որպես այցելուներ
Շրջանառության մեջ կդրվի սահմանագծման և սահմանազատման հիմնախնդիրներին վերաբերող ԱԺ հայտարարության նախագիծ
---