Առողջապահության նախարար Անահիտ Ավանեսյանը լրագրողների հետ զրույցում հայտնել է, որ QR կոդի պահանջն առաջիկայում դեռ ուժի մեջ կմնա։

Նա նշել է, որ այս պահին շատ բարենպաստ իրավիճակ է համաճարակային առումով, բայց հասկանում են, որ հենց այդ իրավիճակում էլ պետք է օգտագործել պատվաստումների միջոցով հետագա հիվանդացության կանխարգելման պատուհանը, գրում է Aysor.am-ը։

«Ռեստորաններում, ժամանցի վայրերում, աշխատավայրերում QR կոդի պահանջի կանոնակարգը դեռ շարունակվում է մնալ ուժի մեջ, առաջիկայում դեռ մնալու է», - ասել է նախարարը։

Հայաստանում ապրիլի 15-ի դրությամբ կորոնավիրուսով վարակի դեպքերը հասել են 422,729-ի՝ նախորդ օրվա համեմատ ավելանալով 8-ով։ Մահվան դեպք չի գրանցվել: