  ARARAT-ը՝ «Անահիտ» մրցանակաբաշխության գործընկեր 18 ապրիլի 2022 - 17:56 AMT PanARMENIAN.Net - Ապրիլի 15-ին՝ Հայ կինոյի օրվա նախօրեին, կայացել է «Անահիտ» մրցանակաբաշխությունը՝ ARARAT լեգենդար հայկական կոնյակների աջակցությամբ։ ARARAT կոնյակները մշտապես աջակցել են թե հայկական, թե միջազգային մշակութային կարևոր իրադարձություններին՝ յուրովի վավերացնելով նշանակալից հաղթական դրվագները։ «Անահիտ» մրցանակաբաշխությունը հիմնադրվել է 2016-ին Հայկական ազգային կինոակադեմիայի նախաձեռնությամբ: Միավորելով հայկական կինոաշխարհի փորձառու գործիչներին` Հայկական ազգային կինոակադեմիան շնորհում է մրցանակներն ամենախոստումնալից աշխատանքներին, նրանց համար ուրվագծելով նոր հեռանկարներ և աշխարհի առաջատար մրցանակաբաշխությունների մասնակցության հնարավորություն։ Հանդիսավոր մրցանակաբաշխության հաղթանակների հիշարժան պահերը նշանավորվել են ARARAT լեգենդար հայկական կոնյակների ուղեկցությամբ։ «Կոնյակագործությունը, որոշակի իմաստով, անցյալը պատկերելու վարպետաց աշխատանք է՝ հանուն ապագա վայելքի։ Կարծում եմ, այս իմաստով այն շատ նման է կինոարտադրությանը։ Այս երկու բնագավառներում իրական վարպետների ստեղծագործ աշխատանքները վառ հետքեր են թողնում պատմության քրոնիկոնում՝ կլինի թե՛ կոնյակագործության տարեգիրը, թե հայկական կինոյի ֆիլմադարանը», - ասում է Երևանի կոնյակի գործարանի գործադիր տնօրեն Սերգեյ Խաչատրյանը։ «Հայկական կինոյի ծննդյան օրն ընդունված է համարել 1923 թվականի ապրիլի 16-ը՝ Պետկինո հիմնելու որոշման ամսաթիվը: Համաշխարհային կինոարվեստում իրենց արժանի տեղն ունեն հայազգի կինոգործիչները: Վերջին տարիներին հայկական կինոյի առաջընթացը խթանող միջոցառում դարձավ նաև Ազգային Կինոակադեմիայի կողմից սահմանված «Անահիտ» մրցանակաբաշխությունը, որն անցկացվեց արդեն 3-րդ անգամ: Ի ուրախություն բոլորիս՝ ՏՈՆԸ ԿԱՅԱՑԱՎ: Անշուշտ, այդ գեղեցիկ միջոցառումն իրականություն դարձավ նաև շնորհիվ գործընկերների, մասնավորապես՝ Երևանի կոնյակի գործարանի, որը կանգնեց մեր կողքին՝ իր լեգենդար արտադրանքի ջերմությունն ու արբեցնող բույրը միախառնելով կինոյի կախարդանքին»,- ասում է Հայկական ազգային կինոակադեմիայի նախագահ Ռուբեն Ջաղինյանը։ «Անահիտ»-ի 2022-ի մրցանակակիրների շարքում էին «Երբ որ քամին հանդարտվի» կինոնկարը՝ որպես լավագույն ֆիլմ, պրոդյուսեր՝ Անի Որսկանյան, Նորա Մարտիրոսյանը՝ որպես լավագույն ռեժիսոր, Դավիթ Հակոբյանը՝ որպես լավագույն դերասան, Լիլի Էլբակյանը՝ որպես լավագույն դերասանուհի «Չնչիկ» ֆիլմում դերի համար:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը  Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարելFastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստումGRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականըՍենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |
