Թուրքիայի ԱԳՆ-ն «դատապարտել է» Բայդենի ապրիլի 24-ի ուղերձը՝ այն «2021-ի սխալի կրկնություն» կոչելով24 ապրիլի 2022 - 18:37 AMT PanARMENIAN.Net - Թուրքիայի արտաքին գործերի նախարարությունն արձագանքել է ԱՄՆ նախագահ Ջո Բայդենի ապրիլի 24-ի ուղերձին` դատապարտելով այն և անվանելով «2021-ի սխալի կրկնություն»։ ԱՄՆ նախագահը Հայոց ցեղասպանության տարելիցի կապակցությամբ ամենամյա ապրիլքսանչորսյան ուղերձում կրկին օգտագործել է «ցեղասպանություն» եզրույթը։ «1915 թվականի մասին պատմական փաստերի և միջազգային իրավունքի հետ անհամատեղելի հայտարարությունները վավերական չեն: Այդ թվում նաև ԱՄՆ նախագահ Բայդենի հայտարարությունը, որը հանդիսանում է 2021-ի սխալի կրկնությունը։ Մերժում ենք նման հայտարարությունները և որոշումները, որոնք խեղաթյուրում են պատմական փաստերը քաղաքական դրդապատճառներով»,- ասված է Թուրքիայի ԱԳՆ հայտարարության մեջ։ «Միակողմանի և ընտրական մոտեցումները, որոնք ոչ մի այլ նպատակի չեն ծառայում, քան պատմությունից թշնամանք առաջացնելը, բարոյապես խնդրահարույց և քաղաքականապես վնասակար են: Բարեխիղճ դիրքորոշումը պահանջում է հարգել բոլոր նրանց հիշատակը, որոնք այդ ժամանակաշրջանում տառապանքներ են կրել, առանց խտրականության ըստ էթնիկ կամ կրոնական հատկանիշի։ Թուրքիան հարգում է բոլոր օսմանցիների հիշատակը, այդ թվում՝ հայերի։ Մենք մերժում ենք այդ ցավը քաղաքական նպատակով օգտագործելու փորձերը»,-ասվում է հայտարարության մեջ։ Թուրքիայի ԱԳՆ-ն կրկնել է իր թեզը Համատեղ հանձնաժողով ստեղծելու մասին և նշել, թե «բացել է արխիվները»։ Նշվում է նաև, որ Թուրքիան ձգտում է կայունության և խաղաղաության տարածաշրջանում, որի դրսևորումն է ՀՀ հետ հարաբերությունների կարգավորման նախաձեռնությունը։ Բայդենի ուղերձում մասնավորապես ասվում է․ «1915 թվականի ապրիլի 24 օսմանյան իշխանությունները Կոստանդնուպոլսում ձերբակալեցին հայ մտավորականներին և հասարակական գործիչներին։ Այդպես սկսվեց Հայոց ցեղասպանությունը՝ 20-րդ դարի ամենասարսափելի զանգվածային վայրագություններից մեկը: Այսօր մենք հիշում ենք 1․5ս միլիոն հայերին և սգում նրանց ողբերգական մահը որոնք սպանվեցին, տեղահանվեցին կամ մահվան երթում հայտնվեցին՝ բնաջնջման արշավի ժամանակ»։ Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |