Ապրիլի 30-ին՝ համապետական շաբաթօրյակ

Ապրիլի 30-ին՝ համապետական շաբաթօրյակ

PanARMENIAN.Net - Ապրիլի 30-ին Հայաստանում նախատեսվում է համապետական շաբաթօրյակ անցկացնել։

ՏԿԵ նախարար Գնել Սանոսյանը կառավարության նիստում ասել է, որ թեև եղանակի հետ կապված խնդիրներ կարող են առաջանալ, այնուամենայնիվ, շաբաթօրյակի օրը չի փոխվի։

Նա հիշեցրել է, որ 2020 և 2021 թթ․ շաբաթօրյակներ չեն կազմակերպվել՝ կապված կորոնավիրուսի պանդեմիայի հետ։

Վարչապետ Նիկոլ Փաշինյանը, արձագանքելով, ասել է, որ հաճախ աղբը մի տեղից հավաքվում, մեկ այլ տեղ է տեղափոխվում։

«Հաճախ, տեսախցիկների առաջ հավաքում ենք աղբը x վայրից, տանում y վայր, հետո տեղափոխում մի այլ վայր»,-ասել է վարչապետը՝ հավելելով, որ կա աղբավայրերի և կոշտ թափոնների կառավարման խնդիր։

Սանոսյանը հավաստիացրել է, որ հավաքվող աղբը կտեղափոխվի բացառապես աղբավայրեր։

Ապրիլի 25-ին քաղաքապետ Հրաչյա Սարգսյանը, գործակարգավարական խորհրդակցության ժամանակ անդրադառնալով չսահմանված տեղերում աղբի կոտակումներին, ասել է, որ ՌԴ-ից ժամանած քաղաքացիներն են Երևանում մաքրություն անում՝ ամոթ է։ «Իսկ մենք շարունակում ենք կեղտոտել»,-ասել էր նա։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---