Գրիգորյանի կոչը Քոչարյանին՝ որևէ մեկին սահման ուղարկելուց առաջ՝ մտածի իր որդուն այնտեղ ուղարկելու մասին 5 մայիսի 2022 - 17:11 AMT PanARMENIAN.Net - «Հայաստան» խմբակցության պատգամավորներ Աննա Գրիգորյանը և Արամ Վարդևանյանը արձագանքել են ՔՊ-ական պատգամավոր Անդրանիկ Քոչարյանի հայտարարությանը, որը կոչ էր արել ԱԱԾ-ին հավաքագրել ընդդիմության ցույցերի ընթացքում բերման ենթարկված քաղաքացիների տվյալները և փոխանցել ՊՆ-ին: Գրիգորյանը Քոչարյանին կոչ է արել որևէ մեկին սահման ուղարկելուց առաջ՝ մտածի իր որդուն սահման ուղարկելու մասին, գրում է «Փաստինֆոն»։ «Այն մարդկանց մասին, ում Անդրանիկ Քոչարյանը ասում է, պետք է հավաքագրեն, նրանց ճնշող մեծամասնությունը 44-օրյա պատերազմի մասնակիցներ են, ավելին՝ կամավորներ են եղել, նրանց մի մասը գնացել և կռիվ է տվել հայրենիքի համար՝ ի տարբերություն Անդրանիկ Քոչարյանի և իր խմբակցության անդամների, ովքեր սովորական դասալիքներ են։ Նրանք պատերազմի ժամանակ սելֆի անելով էին զբաղված, ու այս մարդիկ իրենց իրավունք են վերապահում նման հայտարարություն անել, բարոյական առումով սա անհեթեթություն է: Անդրանիկ Քոչարյան, զբաղվիր նրանով, որ Ներքին Հանդում ադրբեջանցին հերթական հենակետն է դնում, որ Ներքին Հանդում ՀՀ քաղաքացի է գերեվարվում, սրանով զբաղվիր, ի՞ նչ հայտարարություններ ես անում»,-ասել է Գրիգորյանը: Վարդևանյանն էլ հորդորել է ժպիտով վերաբերվել նման հայտարարություներին։ «Մենք մի մարդու մասին ենք խոսում, որը, իմանալով, որ մենք ունենք հազարավոր զոհեր, Հայաստանի պատմության ամենածանր շրջանն է, դեմքին ժպիտով ծափ էր տալիս, խելագարների մասին է խոսքը»,- ասել է Վարդևանյանը: Անդրանիկ Քոչարյանը կոչ է արել ԱԱԾ-ին հավաքագրել բերման ենթարկված քաղաքացիների տվյալները և փոխանցել Պաշտպանության նախարարությանը, «որն էլ իր հերթին կօգտագործի այս «լավ պատրաստված», պարզ հրահանգներ կատարելու ունակ երիտասարդներին՝ մեր բանակի մոբիլիզացիոն ռեսուրսը հարստացնելու և նրանց Հայաստանի ու Արցախի սահմանների անվտանգության պահպանման գործում ներգրավելու նպատակով»։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |