Փաշինյանը կհարցաքննվի. Գլխավոր դատախազը ցուցում է տվել12 մայիսի 2022 - 16:07 AMT PanARMENIAN.Net - 44-օրյա պատերազմում զոհվածների միջնորդությունը բավարարվել է՝ ՀՀ գլխավոր դատախազը ցուցում է տվել, որ վարչապետ Նիկոլ Փաշինյանին կանչեն հարցաքննության։ Այդ մասին լրագրողների հետ զրույցում հայտնել է փաստաբան Վահան Հովհաննիսյանը, գրում է Sputnik Արմենիան։ 44-օրյա պատերազմում զոհվածների ծնողները դիմում-պահանջ էին ներկայացրել քրգործում Փաշինյանին որպես մեղադրյալ ներգրավելու և իրենց տուժող ճանաչելու մասին։ Խոսքը ՀՔԾ-ում 2020թ. նոյեմբերի 21-ին պաշտոնեական լիազորությունները չարաշահելու հատկանիշներով հարուցված քրգործի մասին է, որի քննության առարկա են պատերազմից առաջ և դրա ընթացքում ՀՀ բարձրաստիճան պաշտոնատար անձանց կողմից ենթադրաբար կատարված այնպիսի արարքներ, որոնք բացասական նշանակություն են ունեցել զինված ուժերի մարտունակության հարցում և ազդել են պատերազմի արդյունքի վրա։ 44-օրյա պատերազմում զոհվածների հարազատները մայիսի 12-ին հարցաքննվել են հարուցված քրգործի շրջանակում։ «Իսկ թե երբ կլինի հարցաքննությունը, պարզ չէ, քանի որ քննիչն ինքն է որոշում գործողությունների հերթականությունը։ Դատախազի կողմից տուժողի իրավահաջորդ է ճանաչվել 27 անձ, ևս 15-ի վերաբերյալ մենք ենք միջնորդություն ներկայացրել»,–ասել է փաստաբանը։ Զոհվածներից մեկի հայրը նշել է, որ հարցաքննության ժամանակ ներկայացրել է իր պահանջը, այն է` Փաշինյանին որպես մեղադրյալ ներգրավել և կանչել հարցաքննության։ Զոհված տղաներից Մխիթար Գալեյանի հայրն էլ` Գարիկ Գալեյանը, նույնպես պահանջել է հարցաքննության կանչել Փաշինյանին և անմիջապես ձերբակալել։ «Քննիչին ասացի, որ արդար քննություն ենք ուզում, ինչպես նաև պահանջում ենք կալանավորել Փաշինյանին, քանի որ մենք` զոհվածների ծնողներս, չենք ուզում մեր ձեռքերն արյունոտել»,–ասել է նա։ Փաստաբանը հավելել է, որ ծնողների հետ կխորհրդակցվեն և օրվա երկրորդ կեսին առավել կտրուկ ու ագրեսիվ միջնորդություն կունենան Փաշինյանի նկատմամբ դատաիրավական գործողություններ սկսելու համար։ Ծնողների հետ հարցաքննություններնը շարունակվում են։ 44-օրյա պատերազմում զոհվածների ծնողները մի քանի օր շարունակ բողոքի ակցիաներ էին անում ՀՀ գլխավոր դատախազության շենքի դիմաց։ Նրանք դատախազին էին փոխանցել իրենց ստորագրություններով դիմում-պահանջը 44-օրյա պատերազմի վերաբերյալ քրգործում վարչապետ Նիկոլ Փաշինյանին որպես մեղադրյալ ներգրավելու և իրենց տուժող ճանաչելու մասին։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |