ՄԻՊ․ Բերման են ենթարկվում նաև առերևույթ հավաքին չմասնակցած անձինք՝ ճամփեզրերից, մայթերից 18 մայիսի 2022 - 12:05 AMT PanARMENIAN.Net - Մարդու իրավունքների պաշտպանի արագ արձագանքման խմբերը վաղ առավոտից գտնվում են ոստիկանության բաժանմունքներում բերման ենթարկված անձանց իրավունքների իրացման խնդիրները վերհանելու և պաշտպանությունն ապահովելու համար։ ՄԻՊ Քրիստինե Գրիգորյանը ֆեյսբուքյան իր էջում գրել է, որ մինչ այս պահը ԶԼՄ հրապարակումների և տեսանյութերի ամփոփման արդյունքում Պաշտպանն արձանագրել է, որ մի շարք դեպքերում ոստիկանության ծառայողների կողմից բերման են ենթարկվում նաև առերևույթ հավաքին մասնակից չդարձած անձինք՝ ճամփեզրերից, մայթերից։ Պաշտպանի դիտարկմամբ անընդունելի է համատարած ակցիայի իրականացման վայրից կամ դրան հարող տարածքից անձանց ազատությունը սահմանափակելու գործելաոճը։ «Մյուս կողմից, ակցիաների մասնակիցները պարտավոր են կատարել ոստիկանության ծառայողների հասցեական ու հստակ պահանջը՝ խուսափելով վարչական ձերբակալումից։ Միաժամանակ, պետք է նշել, որ այսօրվա մինչ այս ժամի մշտադիտարկմամբ ակնհայտ է, որ որոշ դեպքերում ոստիկանության ծառայողների կողմից ճանապարհների երթևեկելի մասն ազատելու պահանջից հետո ակցիաների մասնակիցներին տրամադրել են ողջամիտ՝ 5 րոպե ժամանակ այն կատարելու համար, և ուսումնասիրությունը ցույց է տալիս, որ նման դեպքերում հիմնականում անձանց վարչական ձերբակալման անհրաժեշտություն չի առաջանում»,-ասվում է հայտարարության մեջ: Երևանում վաղ առավոտից վերսկսվել են ընդդիմադիրների անհնազանդության ակցիաները։ Նրանք պահանջում են վարչապետ Նիկոլ Փաշինյանի հրաժարականը։ Ցուցարարները բերման են ենթարկվում քաղաքի տարբեր հատվածներից։ Հայաստանում բողոքի նոր ալիքը բարձրացել է Փաշինյանի` Արցախի վերաբերյալ հայտարարությունից հետո, ըստ որի միջազգային հանրությունն ակնկալում է հայկական կողմից, որ «իջեցնի նշաձողը» ԼՂ կարգավիճակի հարցում։   Ուշագրավ Վիրավորումները, ըստ նախարարի, բեկորային են՝ ԱԹՍ-ի հարվածի հետևանք են Զորավարժությունները կշարունակվեն մինչև մարտի 31-ը Նա ցուցումներ է տվել նմանօրինակ դեպքերը բացառելու նպատակով անհրաժեշտ միջոցառումների վերաբերյալ Պահանջում են չեղարկել թանկացումը և բյուրոյի պետի հրաժարականը   Ամենաընթերցվողը բաժնում |  Վերջին լուրեր ՊՆ պատվիրակությունը մասնակցում է Համաշխարհային կադետական խաղերին․ 2 ոսկի ունենք  ՊՆ հավաքական թիմը 20 երկրների շարքում թիմային հաշվարկով առայժմ զբաղեցնում է 2-րդ տեղըԵԱՀԿ-ում ԱՄՆ առաքելության ղեկավար․Կարևորում ենք ԼՂ հետ կապված կամ դրանից բխող բոլոր մնացած հարցերի բանակցային կարգավորումը «Մենք ուշադիր հետևում ենք իրավիճակին և կոչ ենք անում անհապաղ միջոցներ ձեռնակել»,-ասել է նաԷրդողանն ու Ասադը 10 տարվա մեջ առաջին անգամ գուցե հեռախոսազրույց ունենան Էրդողանն ասել է, թե Պուտինը առաջարկել է իրեն համագործակցել Ասադի վարչակարգի հետՌԴ խաղաղապահներն օդային տագնապի ազդանշան են գործարկելու Իվանյանում Տագնապի ձայնը լսելի կլինի նաև հարակից բնակավայրերում |
