  Ֆինլանդիան և Շվեդիան ՆԱՏՕ-ին անդամակցելու հայտ են ներկայացրել 18 մայիսի 2022 - 12:58 AMT PanARMENIAN.Net - Ֆինլանդիան և Շվեդիան ՆԱՏՕ-ին անդամակցելու հայտ են ներկայացրել։ Այդ երկրների դեսպանները հայտերը պաշտոնապես հանձնել են ՆԱՏՕ-ի գլխավոր քարտուղար Յենս Ստոլտենբերգին։ Նա դա պատմական քայլ է անվանել, գրում է ՏԱՍՍ-ը։ «Պետք է հաշվի առնվեն բոլոր երկրների անվտանգային շահերը, մենք վճռական ենք բոլոր հարցերի կարգավորմանը հասնելու և ընդունելու գործընթացն արագ ավարտելու գործում»,-ասել է նա։ Ստոլտենբերգն ասել է նաև, որ այժմ ՆԱՏՕ-ն «ադապտացնելու է իր անվտանգության համակարգը Բալթյան ծովում»։ Ավելի վաղ ՆԱՏՕ-ի գլխավոր քարտուղարն ասել էր, որ վերոնշյալ երկրները ընդունվելու են արագացված ընթացակարգով։ Մինչդեռ Թուրքիայի նախագահ Ռեջեփ Թայիփ Էրդողանը մայիսի 16-ի կրկին հայտարարել է, որ իր երկիրը հավանություն չի տա Ֆինլանդիայի և Շվեդիայի անդամակցությանը ՆԱՏՕ-ին։ Թուրքիան Ֆինլանդիային և Շվեդիային մեղադրում է Քրդստանի աշխատավորական կուսակցության անդամներին, ինչպես նաև քարոզիչ Ֆեթուլլահ Գյուլենի, որին Անկարան մեղադրում է 2016-ի պետական հեղաշրջման մեջ, կողմնակիցներին ապաստան տալու համար։ ՌԴ նախագահ Վլադիմիր Պուտինը մայիսի 16-ին ՀԱՊԿ գագաթնաժողովում հայտարարել է, որ Ֆինլանդիայի և Շվեդիայի անդամակցությանը ՆԱՏՕ-ին կհաջորդի Մոսկվայի արձագանքը։ Միևնույն ժամանակ Պուտինն ասել է, որ ՆԱՏՕ-ի ընդլայնումը Ֆինլանդիայի և Շվեդիայի հաշվին անմիջական սպառնալիք չի ստեղծում ՌԴ համար, քանի որ Մոսկվան խնդիրներ չունի այդ երկրների հետ։ Ֆինլանդիայի նախագահ Սաուլի Նիինիստյոն և վարչապետ Սաննա Մարին մայիսի 12-ի համատեղ հայտարարությամբ կողմ են արտահայտվել երկրի անդամակցությանը ՆԱՏՕ-ին։ ՌԴ կողմից Ուկրաինայում պատերազմ սկսելուց հետո, ինչպես վկայում են հարցումները, Շվեդիայում և Ֆինլանդիայում անդամակցությունը ՆԱՏՕ-ին առաջին անգամ ստացել է բնակիչների մեծամասնության հավանությունը։ Ֆինլանդիայում կողմ է արտահայտվել հարցման մասնակիցների 76%-ը, մարտին կողմ էր 62%-ը։   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց  Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ»Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նաՌուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտումՎենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |
