«Դիմադրության» անդամները շրջափակել էին նախագահական նստավայրն ու ԱԽ շենքը․ Երթը շարունակվում է25 մայիսի 2022 - 12:03 AMT PanARMENIAN.Net - «Դիմադրություն» շարժումը մայիսի 25-ի վաղ առավոտյան, բողոքի երթով հասնելով ՀՀ նախագահի նստավայր, փակել էր նախագահականի, այնուհետև` Անվտանգության խորհրդի շենքերի ելքերն ու մուտքերը։ Նախագահ Վահագն Խաչատուրյանը Դավոսում է՝ մասնակցում է տնտեսական համաժողովին։ ՀՀ նախագահի նստավայրի մոտ ԱԺ փոխխոսնակ, «Դիմադրություն» շարժման անդամ Իշխան Սաղաթելյանը հայտարարել է, որ «Հայաստան» և «Պատիվ ունեմ» խմբակցությունների պատգամավորները պատրաստվում են մտնել Անվտանգության խորհրդի շենք, հայտնում է Sputnik Արմենիան։ «Այնտեղ փոխանցելու բաներ ունենք։ Այդ շենքից բազմաթիվ հակահայկական ու հակապետական հայտարարություններ են հնչել այս ընթացքում»,- նշել է Սաղաթելյանը։ Նա նշել է, որ այնտեղ գնալու են նաև մոտ 30-40 քաղաքացու հետ, մնացածն էլ պետք է շարունակեն փակ պահել նախագահականի շենքի մուտքերն ու ելքերը։ Ցուցարարները վանկարկել են` «Միություն, պայքար, հաղթանակ», ու շարժվել առաջ։ Մուտքի մոտ ընդդիմադիր պատգամավորներին ու բողոքի ակցիայի մասնակիցներին ոստիկանությունը հայտնել է, որ ներսում մարդ չկա, քանի որ վաղ առավոտից շենքի մուտքը փակ է եղել։ Սաղաթելյանն ասել է` քանի որ շենքում որևէ աշխատակից չկա, անիմաստ է այն շրջափակված պահել և հորդորել է շարունակել անհնազանդության երթն ու ակցիաները։ «Դիմադրություն» շարժումը, շարժմանը միացած քաղաքացիները վարչապետ Նիկոլ Փաշինյանի հրաժարականի պահանջով երթեր, հանրահավաքներ և անհնազանդության ակցիաներ են իրականացնում։ Հայաստանում բողոքի նոր ալիքը բարձրացել է Փաշինյանի` Արցախի վերաբերյալ հայտարարությունից հետո, ըստ որի միջազգային հանրությունն ակնկալում է հայկական կողմից, որ «իջեցնի նշաձողը» ԼՂ կարգավիճակի հարցում։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա Վաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է |