Դուրովը հայտարարել է Telegram Premium վճարովի բաժանորդագրման մեկնարկի մասին

PanARMENIAN.Net - Հունիսին Telegram մեսենջերում վճարովի բաժանորդագրություն կսկսվի ՝ «լրացուցիչ գործառույթներով, արագությամբ և ռեսուրսներով»։ Այդ մասին հայտնել է Telegram-ի հիմնադիր Պավել Դուրովը։

«Մենք հասկացանք, որ առկա գործառույթներն անվճար պահպանելով, մեր ամենապահանջկոտ օգտատերերին ավելին տալու միակ միջոցը բարձրացված լիմիտները վճարովի դարձնելն է։ Ահա այդ պատճառով այս ամիս մենք կներկայացնենք Telegram Premium-ը՝ բաժանորդագրման պլանը, որը թույլ կտա ցանկացած անձի լրացուցիչ գործառույթներ, արագություն և ռեսուրսներ ձեռք բերել։ Դա նաև թույլ կտա բաժանորդներին աջակցել Telegram-ին և միանալ ակումբին, որն առաջինը նոր գործառույթներ կստանա»,-գրել է Դուրովը Տելեգրամի իր ալիքում։

Նա խոստացել է, որ մեսենջերի բոլոր գործող գործառույթներն անվճար կմնան։

Telegram Premium-ի օգտատերերը կկարողանան շատ մեծ ծավալի փաստաթղթեր դիտել, մուլտիմեդիա և սթիքերներ, ուղարկած մյուս պրեմիում օգտատերերին, ինչպես նաև հասանելիություն կունենան եզակի խմբագրություններին, որոնք նույնպես մատչելի կլինեն բաժանորդագրվածների համար։

Բաժանորդագրության արժեքն ու գործարկման հստակ ամսաթիվը Դուրովը չի նշել։