Նախագիծ․ Առցանց տաքսիները յուրաքանչյուր փոխադրման համար 100 դրամ պետտուրք կվճարեն
Շրջանառության մեջ դրված նախագծով առաջարկվում է պետական տուրք սահմանել առցանց տաքսիների համար՝ 100 դրամ յուրաքանչյուր փոխադրման դիմաց։ Նախագիծը ներկայացրել է Տարածքային կառավարման և ենթակառուցվածքների նախարարությունը։
Նախագծով նախատեսվում է նաև, որ վարորդները պատվերի վճարման էլեկտրոնային անդորրագիր պետք է տրամադրեն ուղևորին։
Նշվում է, որ Էլեկտրոնային հարթակով ուղևորափոխադրման ծառայություն մատուցող կազմակերպությունները և անհատ ձեռնարկատերերը լիազոր մարմնին և պետական եկամուտների ոլորտի լիազոր մարմնին առցանց տրամադրում են հասանելիություն ձևակերպված պատվերների մասով իրենց տվյալների բազային՝ ապահովելով անձնական տվյալների պաշտպանության օրենսդրության պահանջները: Տվյալների բազային հասանելիության ընթացակարգը հաստատում է ՀՀ կառավարությունը։
