  15 երկիր փորձել է տապալել Երևանում IBA-ի կոնգրեսն անցկացնելու որոշումը․ Պատճառներից է ՀՀ-ի աջակցությունը ՌԴ-ին 1 օգոստոսի 2022 - 15:03 AMT PanARMENIAN.Net - Բռնցքամարտի միջազգային ֆեդերացիայի (IBA) անդամ 15 երկիր դիմել է առաջիկայում ՀՀ-ում կայանալիք արտահերթ կոնգրեսը Երևանից այլ վայր տեղափոխելու խնդրանքով։ Որպես պատճառներից մեկը նշվել է այն, որ Հայաստանն աջակցում է Ռուսաստանին, որը ներխուժել է Ուկրաինա։ «Հանուն ընդհանուր գործի» ալյանս կոչվող խումբը նամակով դիմել է IBA-ի տնօրենների խորհրդին, գրում է Insidethegames.biz-ը: Նման խնդրանքով դիմած երկրների թվում են ԱՄՆ-ն, Ավստրալիան, Շվեյցարիան, Ֆրանսիան, Կանադան, Անգլիան, Իռլանդիան։ «ՀՀ կառավարությունը ՌԴ կառավարության մերձավոր ռազմական և քաղաքական դաշնակիցն է։ ՌԴ զինվորականները տեղակայված են Հայաստանում, այդ թվում Գյումրիի 102-րդ ռազմական բազայում և Երևանի մերձակայքում գտնվող «Էրեբունի» օդանավակայանում: ՀՀ-ն և ՌԴ-ն ՀԱՊԿ անդամ եմ։ Արդյո՞ք այս փաստերը հաշվի առնվել են IBA-ի կոնգրեսն անցկացնելու իրավունքը Հայաստանի բռնցքամարտի ֆեդերացիային տալու մասին որոշում կայացնելիս »,-ասվում է խնդրագրում։ Սակայն IBA-ի տնօրենների խորհուրդը մերժել է կոնգրեսը Երևանից այլ տեղ տեղափոխելու խնդրանքը։ «IBA-ի տնօրենների խորհուրդն արդեն որոշում կայացրել է կոնգրեսի անցկացման վայրի և ժամկետի մասին և գլխավոր գրասենյակն արդեն բացել է գրանցման գործընթացը։ IBA-ի տնօրենների խորհուրդն արդեն քննարկել է տարբեր առաջարկներ և ընտրել է ամենաընդունելի առաջարկը, որը բավարարում է բոլոր պահանջներին»,-ասել է տնօրինության ներկայացուցիչը։ Բռնցքամարտի միջազգային ֆեդերացիայի (IBA) առաջիկա արտահերթ կոնգրեսը Հայաստանում անցկացվելու է սեպտեմբերի 25-ին։ Կոնգրեսի անցկացմանը հավակնել են նաև Թուրքիան և Նիդերլանդները, բայց ընդունվել է Հայաստանի հայտը։   Ուշագրավ Պատասխանելով Հայաստան-Թուրքիա առաջիկա խաղի մասին հարցին՝ ասել է, որ չէր ցանկանա, որ այդ հանդիպումը շատ քաղաքականացվեր «Պետք է հարգենք Հենրիխի որոշումը, նա Հայաստանի համար եզակի ֆուտբոլիստ է»,-ասել է Պետրակովը Մարզադաշտի տոմսարկղում վաճառքը կմեկնարկի մարտի 26-ից Տոմսերի առցանց վաճառքը մեկնարկում է մարտի 6-ին   Ամենաընթերցվողը բաժնում |  Վերջին լուրեր Կասկադի մոտակայքում ծառերի փոխարեն սակուրաներ կտնկեն  «Եթե պայմանական այստեղ տնկենք սոսիներ, ապա մի քանի տարի հետո ճյուղերը կմտնեն շենքի բնակիչների պատուհաններից ներս»,-ասել է ԲեգոյանըՓոխքաղաքապետ Սիմոնյանին կալանավորելու որոշման դեմ վերաքննիչ բողոք է ներկայացվել Այդ մասին հայտնել է նրա փաստաբանըՀռոմի ստատուտը համապատասխանում է ՀՀ սահմանադրությանը․ ՍԴ-ն հրապարակել է որոշումը Որոշումը վերջնական է և ուժի մեջ է մտնում հրապարակման պահիցՀՀ 10 բանկ՝ Forbes-ի՝ որոշ հետխորհրդային երկրների հուսալի բանկերի վարկանիշում Վարկանիշում ընդգրկված է 50 բանկ |
