  Գյուլումյան․ Իրենց տները լքող Բերձորի, Աղավնոյի և Սուսի բնակիչները կարող են դիմել ՄԻԵԴ 13 օգոստոսի 2022 - 12:51 AMT PanARMENIAN.Net - ՍԴ նախկին դատավոր Ալվինա Գյուլումյանը փորձագիտական քննարկման ժամանակ հայտարարել է, որ իրենց տները ստիպված լքող Բերձորի, Աղավնոյի և Սուսի բնակիչները կարող են դիմել ՄԻԵԴ՝ սեփական կառավարության դեմ կամ փոխհատուցում պահանջել: Գյուլումյանի խոսքով՝ պետք է սպասել օգոստոսի 25-ին և տեսնել, թե ինչպես կզարգանա իրավիճակը, որից հետո հարցը դիտարկել նաև հայրենազրկման համատեքստում, գրում է Panorama-ն։ «Մենք ունեցել ենք իրավապաշտպան կազմակերպություններ, որոնք հեռու են եղել այդպիսին լինելուց։ Նրանց նպատակը եղել է իշխանությունը, հիմա իրենք իշխանության մաս են և, բնականաբար, այդ իրավապաշտպան գործունեությունը չեն իրականացնում»,- ասել է նա։ Նա առաջարկել է ստեղծել նոր քաղաքացիական հասարակութուն, որն իշխանափոխությունից հետո իշխանություն չի դառնա, այլ կմնա իր տեղում, «Պետք է պայքարելիս բոլոր միջոցները օգտագործենք՝ կլինի միջնորդությունները, դատարանների ակտերը բողոքարկելու ձևով, թե այլ ուղիները: Իրավական նիհիլիզմը, թե միևնույն է ոչ մի արդյունքի չենք հասնելու, մեզ ոչ մի օգուտ չի տալու, պետք է որոշակի իրավական բազա ստեղծել հետագայի համար: Իսկապես այն կարող է ոչ մի օգուտ չտալ, բայց այդ հիմքերը պետք է ստեղծել»,-հայտարարել է Գյուլումյանը և նկատել, որ նման բազան պետք կգա նաև միջազգային ատյաններ, մասնավորապես Մարդու իրավունքների եվրոպական դատարան դիմելու համար», - նշել է նա։ ԱՀ իշխանությունները տեղեկացրել են Բերձորի, Աղավնոյի և Սուսի բնակիչներին, որ նրանք մինչև օգոստոսի 25-ը պետք է լքեն բնակավայրերը։ Այդ օրը միջանցքը հանձնվելու է Ադրբեջանի հսկողությանը, որը Լաչինը շրջանցող նոր ճանապարհ է կառուցել, սակայն հայկական կողմում շինաշխատանքները դեռ չեն սկսվել։ Մինչդեռ նոյեմբերի 9-ի եռակողմ հայտարարության մեջ ասվում է, որ կողմերը փոխադարձ համաձայնությամբ 3 տարվա ընթացքում պետք է համաձայնեցնեն նոր երթուղին։ Օգոստոսի 3-ին Հայաստանի անվտանգության խորհրդի քարտուղար Արմեն Գրիգորյանը հայտարարել էր, որ Արցախը Հայաստանին կապող երթևեկությունը Լաչինի միջանցքի փոխարեն այլ երթուղով կազմակերպելու Ադրբեջանի պահանջը լեգիտիմ չէ։ ՀՀ ԱԳՆ-ն հայտարարել էր, որ անթույլատրելի են ադրբեջանական կողմից հնչող հայտարարությունները, որոնցով փորձ է արվում միակողմանիորեն փոփոխել Լաչինի միջանցքում եռակողմ հայտարարության 6-րդ կետով սահմանված իրավական ռեժիմը, և վերահաստատել, որ Լաչինի միջանցքով անցնող երթուղին կարող է փոփոխվել միայն հայտարարությունը ստորագրած կողմերի հաստատած պլանի համաձայն։ Սակայն, այս հայտարարություններից հետո, հայտարարվեց հայ բնակչության տարհանման մասին։   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
