Սյունիքի մարզի Ներքին Հանդ գյուղի ուղղությամբ ադրբեջանցիները որոշակի դիրքային առաջխաղացում ունեն։ Այդ մասին ասել է Սյունիքի փոխմարզպետ Նարե Ղազարյանը, հայտնում է «Փաստինֆոն»։

«Գյուղի մեջ չեն մտել, բայց կան թշնամական դիրքեր, որոնք շատ մոտ են գյուղին։ Կանայք ու երեխաները Ներքին Հանդից տարհանվել են, բայց տղամարդիկ գյուղում են, նրանց զենք է տրամադրվել, որպեսզի անհրաժեշտության դեպքում կարողանան օգտակար լինել ԶՈւ-ին»,- ասել է Ղազարյանը։

Փոխմարզպետի փոխանցմամբ՝ Սրաշեն, Շիկահող և Ծավ գյուղերից բնակչությանը տարհանելու մասին լուրերը չեն համապատասխանում իրականությանը։

«Ներքին Հանդից, այո, կանայք ու երեխաները տարհանված են, բայց Շիկահողից, Սրաշենից ու Ծավից՝ ոչ։ Բնակիչները տեղում են, տղամարդիկ՝ զինված»,- նշել է Մարտիրոսյանը։

Սյունիքի սահմանամերձ բնակավայրերից տեղահանված կանայք ու երեխաները, փոխմարզպետի խոսքով, ժամանակավորապես հաստատվել են Գորիսում, Կապանում կամ հարևան՝ համեմատաբար անվտանգ գյուղերում։

Վարչապետ Նիկոլ Փաշինյանը սեպտեմբերի 14-ին Աժ-ում հայտարարել է, որ Ադրբեջանը վերջին օրերին օկուպացրել է 10 քառ. կմ տարածք ՀՀ սուվերեն տարածքից, ևս 40 քառ. կմ տարածք ադրբեջանցիներն օկուպացրել էին 2021թ. մայիսին։ ‌