Ֆրանսահայերը ցույց են արել Փարիզում․ Մոտ 20 քաղգործիչ է աջակցել16 սեպտեմբերի 2022 - 18:53 AMT PanARMENIAN.Net - Սեպտեմբերի 15-ին հազարավոր մարդիկ հավաքվել են Փարիզում` երկրի ԱԳՆ շենքի մոտ` իրենց բողոքի ձայնը բարձրացնելու Հայաստանի դեմ Ադրբեջանի կանխամտածված ագրեսիայի կապակցությամբ: Ցուցարարները վանկարկել են «Կանգնիր Ալիև, դուրս կորիր Հայաստանից», «պանթուրքիզմ = ֆաշիզմ» և այլն, գրում է «Փաստինֆոն»։ Մոտ 20 քաղաքական գործիչ եկել էր աջակցելու հայկական պայքարին` այդ թվում Գաբրիել Աթթալը` երկրի կառավարության նախկին խոսնակ, իսկ այժմ Պետական հաշիվների գծով նախարար-պատվիրակը: Իր խոսքում Ֆրանսիայի հայկական կազմակերպությունների համակարգող խորհրդի համանախագահ Արա Թորանյանը շնորհակալություն է հայտնել Ֆրանսիային, որը գրեթե միակն է աշխարհում, ով դիվանագիտորեն արձագանքել է իրավիճակին` խնդիրը փոխանցելով ՄԱԿ-ի ԱԽ-ին: «Բավական է գլուխներդ թաղեք հողի մեջ: Եթե ոչ մեկին չթողնենք բաժանել մեզ, մենք կհաղթենք», – նշել է նա` որպես օրինակ բերելով 1918 թ. Սարդարապատն ու 1990-ականներին Արցախը: Ակցիային միացած Բերիվան Ֆըրաթը` Ֆրանսիայում Քրդական ժողովրդավարական խորհրդի խոսնակը, նշել է. «Հայերի պայքարը, ճնշված ազգերի պայքարն է, իմ պայքարն է: Այսօր ես հայ եմ: Էրդողանը վտանգ է քրդերի, հայերի, ասորիների և նաև Ֆրանսիայի համար, Արևմուտքի համար, մեր երիտասարդության և սերունդների համար»: ՀՅԴ Բյուրոյի անդամ, Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանն էլ իր հերթին ավելացրել է. «Այսօր Բաքուն հարձակվել է Հայաստանի Հանրապետության վրա, ՄԱԿ-ի կողմից ճանաչված տարածքի վրա: Անթույլատրելի է հարձակում գործել ՄԱԿ-ի կողմից ճանաչված տարածքի վրա և պատասխան չստանալ դրա համար ՄԱԿ-ի կողմից: Մենք վախում ենք Հայաստանի, նրա անվտանգության և ժողովրդի համար: Մենք պետք է ելք գտնենք` ապահովելու ՀՀ-ի և Արցախի հայերի անվտանգությունը»: Սեպտեմբերի 13-ին՝ ժամը 00:05-ից Ադրբեջանի ԶՈւ ստորաբաժանումները Գորիսի, Կապանի, Ջերմուկի, Վարդենիսի, Սոթքի ուղղությամբ խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ, կիրառվել են նաև ԱԹՍ-ներ, հրետանի, ականանետեր՝ թիրախավորելով թե ռազմական, և թե քաղաքացիական ենթակառուցվածքները։ Սեպտեմբերի 14-ի երեկոյից հրադադար է հաստատվել, սակայն իրավիճակը շարունակում է մնալ ծայրահեղ լարված։ Սեպտեմբերի 16-ի դրությամբ հայկական կողմը 135 զոհ ունի, բայց թիվը, ըստ ՀՀ վարչապետի, վերջնական չէ։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |