Երգչուհի Քրիստինա Ագիլերայի երևանյան համերգը հետաձգվում է։ Այդ մասին ասվում է «Հայա» փառատոնի ֆեյսբուքյան էջում։
Բոլոր գնված տոմսերն ուժի մեջ են:
«Հայա» փառատոնը և սիրված երգչուհու անձնակազմը, կիսելով մեր երկրի քաղաքացիների հոգեվիճակը, որոշում կայացրեցին հետաձգել Քրիստինա Ագիլերայի համերգը Երևանում:
«Շուտով կհրապարակվի համերգի նոր ամսաթիվը»,-ասվում է գրառման մեջ։
Համերգը կայանալու էր հոկտեմբերի 22-ին «Հրազդան» մարզադաշտում: Տոմսերի արժեքը 15,000–100,000 դրամ է։