ԵՄ-ն կառուցողական է գնահատել ՀՀ և Ադրբեջանի սահմանային հանձնաժողովների հանդիպումը

ԵՄ-ն կառուցողական է գնահատել ՀՀ և Ադրբեջանի սահմանային հանձնաժողովների հանդիպումը

PanARMENIAN.Net - ԵՄ-ն բարձր է գնահատել կառուցողական մթնոլորտը, որում անցել է Հայաստանի ու Ադրբեջանի սահմանային հանձնաժողովների նոյեմբերի 3-ին Բրյուսելում կայացած 3-րդ հանդիպումը։ Այդ մասին ասվում է ԵՄ արտաքին հարաբերությունների և անվտանգության քաղաքականության խոսնակ Նաբիլա Մասրալիի հայտարարության մեջ։

Նշվում է, որ այս հանդիպումը հաջորդել է այն պայմանավորվածություններին, որոնց կողմերը հասել էին Բրյուսելում՝ ԵԽ նախագահ Շառլ Միշելի միջնորդությամբ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի եռակողմ հանդիպմանը։

«ԵՄ-ն բարձր է գնահատում կառուցողական մթնոլորտը, որում անցել է հանդիպումը, և կողմերի պատրաստակամությունը շարունակելու աշխատանքը սահմանի հետ կապված հարցերի լուծման, ինչպես նաև անվտանգային իրավիճակի բարելավման ուղղությամբ»,-ասվում է հայտարարության մեջ։

Նոյեմբերի 3-ին Բրյուսելում տեղի է ունեցել ՀՀ և Ադրբեջանի միջև պետական սահմանի սահմանազատման ու սահմանային անվտանգության հարցերով հանձնաժողովի և Ադրբեջանի ու Հայաստանի միջև պետական սահմանի սահմանազատման պետական հանձնաժողովի երրրորդ նիստը։ Այն անցել է ՀՀ փոխվարչապետ Մհեր Գրիգորյանի և ԱՀ փոխվարչապետ Շահին Մուստաֆաևի նախագահությամբ, կողմերը պայմանավորվել են արագացնել համատեղ գործունեության կարգի համաձայնեցման աշխատանքները։

Photo. AP
 Ուշագրավ
Նա նշել է, որ Արցախն Ադրբեջանական ԽՍՀ–ից դուրս է եկել բոլոր իրավական կարգավորումների համաձայն
Շեշտադրվել է նաև փոխընդունելի լուծումներ գտնելու անհրաժեշտությունը բոլոր համապատասխան հարցերի շուրջ
Այդպիսով հայ երգչուհին ներկաների ուշադրությունն է հրավիրել արդեն մեկ ամսից ավելի շարունակվող Արցախի շրջափակմանը
Նա ասել է, որ ՀՀ և Ադրբեջանի բանակցությունների համար հարթակ տրամադրելու ՌԴ առաջարկն ուժի մեջ է
---