Սոցապի աշխատողներն ու գործարարը մեղադրվում են ծերերի խնամքի տների համար նախատեսված գումարի հափշտակման մեջ

PanARMENIAN.Net - Աշխատանքի և սոցիալական հարցերի նախարարության նախկին պաշտոնատար անձանց կողմից պաշտոնեական դիրքի չարաշահման և պաշտոնեական կեղծիք կատարելու դեպքերի առթիվ քննվող քրեական վարույթի շրջանակում «Լեքսհաբ» ՍՊ ընկերության տնօրենի նկատմամբ։

Ըստ Գլխավոր դատախազության, ընկերության տնօրենը և 100 տոկոս բաժնետերը պատրաստել և օգտագործել է բովանդակությամբ կեղծ փաստաթուղթ և նախարարության պաշտոնատար անձանց հետ համատեղ կատարել առանձնապես խոշոր չափերի հափշտակություն՝ կազմելով մատակարարվելիք ապրանքի կեղծ տեխնիկական բնութագիր: Մասնավորապես, Արմավիրի մարզի երկու գյուղերում ձեռք բերված առանձնատները, որոնք, ըստ փաստաթղթերի ունեցել են երկու սանհանգույց և եղել են պիտանի բնակության համար, պարզվել է՝ չեն համապատասխանել Նախարարության ներկայացրած բնութագրին: Սակայն, հրատապ մեկ անձից գնման ընթացակարգի գնահատող հանձնաժողովը ընտրված մասնակից է ճանաչել ՍՊ ընկերությանը և հաստատել պայմանգիրը:

Բացի այդ, Նախարարության գլխավոր քարտուղարը, տեղյակ լինելով չհամապատասխանող տեխնիկական բնութագրին, Նախարարության մյուս պաշտոնատար անձանց միջոցով դրական եզրակացությամբ հաստատել է, որ բնութագրի և գույքի որակակական հատկանիշների միջև անհամապատասխանություններ առկա չեն: Նախարարության պաշտոնատար անձանց և ՍՊ ընկերության միջև մոտ 18․2 և 18․5 մլն դրամ շուկայական արժեքով առանձնատների պայմանագրերը կնքվել են 26․7 և 27 մլն դրամ արժեքներով, որն էլ փոխանցվել է ընկերությանը։ Արդյունքում տնօրենը հափշտակել է 17 մլն 160 հազար դրամը:

Ավելի վաղ կառավարության 2019 թվականի որոշմամբ, սոցապ նախարարությանը հատկացվել էր 270 մլն դրամ՝ շենքերի և բնակարանների ձեռքբերման ու կահավորման՝ այդ թվում նաև տարեցների բնակության համար խնամքի տների ձեռքբերման համար:

Նախաքննությունը շարունակվում է:

Ծանուցում. հանցագործության համարմեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով_ դատարանի օրինական ուժի մեջ մտած դատավճռով: