Օղակաձև այգու ինքնակամ սրճարաններն ապամոնտաժվում են
Ապամոնտաժվում են Օղակաձև զբոսայգու 3-րդ հատվածում տարիներ առաջ տեղադրված ինքնակամ սրճարանային կառույցները, հայտնում է Երևանի քաղաքապետարանը։
Խոսքը Կոմիտասի անվան Կամերային երաժշտության տանը հարող տարածքի մասին է։
Աշխատանքներն իրականացվում են Երևանի քաղաքապետարանի և Կենտրոն վարչական շրջանի, որոշ դեպքերում նաև հենց ապօրինություն կատարած քաղաքացիների ուժերով:
Նշվում է, որ համայնքային սեփականության կանաչ գոտիներում գտնվող անօրինական բոլոր շինություններն ապամոնտաժվելու են:
Հաջորդիվ համայնքը կնախաձեռնի տարածքների բարեկարգումն ու կանաչապատումը՝ դրանք վերադարձնելով քաղաքի բնակիչներին»,- ասվում է հաղորդագրությունում:
