Թրեյսին ԱՄՆ Սենատի կոմիտեում ասել է` ՀՀ-ն դժգոհ է ՌԴ հետ հարաբերություններից

Թրեյսին ԱՄՆ Սենատի կոմիտեում ասել է` ՀՀ-ն դժգոհ է ՌԴ հետ հարաբերություններից

PanARMENIAN.Net - ՀՀ-ում ԱՄՆ դեսպան Լին Թրեյսին, որի թեկնածությունն առաջադրվել է ՌԴ-ում ԱՄՆ դեսպանի պաշտոնում, Սենատի արտաքին հարաբերությունների կոմիտեում լսումների ժամանակ հայտարարել է, որ Հայաստանը դժգոհ է ՌԴ հետ հարաբերություններից, և Վաշինգտոնը, օգտվելով դրանից, «կարևոր բանակցություններ է վարում Երևանի հետ», գրում է ՏԱՍՍ-ը։

«Հայերն ինձ ասում են, որ, քանի որ նրանք չեն ցանկանում վերադառնալ անցյալին, կոռումպացված առաջնորդներին, նրանք ավելի լուսավոր ապագա են ուզում գտնել։ Կրկին անդրադառնալով Ռուսաստանի թեմային՝ կարծում եմ, որ խնդիրն այն է, ինչպես իրենք հայերն են ասում, որ իրենց որոշ նախկին և ներկա հարաբերությունները Ռուսաստանի հետ չեն բխում Հայաստանի այսօրվա պահանջներից։ Կարծում եմ, որ մենք՝ ԱՄՆ-ն և Հայաստանը, հետևյալ փուլում ենք՝ մենք որոշ շատ կարևոր բանակցություններ ենք վարում այն հարցի շուրջ, թե ինչպես կարող են ամերիկացիներն օգնել Հայաստանին, որն, ըստ իս, շարունակում է ձգտել առավել ժողովրդավարական և անվտանգ ապագայի»,-ասել է Թրեյսին։

Նա հավելել է, որ այս առումով շատ են անվտանգության ոլորտի մարտահրավերները, որտեղ «Ռուսաստանն իր դերակատարումն ունի և որոնց ԱՄՆ-ն պետք է ուշադրություն դարձնի»։

ԱՄՆ նախագահ Ջո Բայդենը ՀՀ-ում ԱՄՆ գործող Լին Թրեյսիի թեկնածությունն առաջարկել է ՌԴ-ում ԱՄՆ դեսպանի պաշտոնում։ Նոյեմբերի 30-ին ԱՄՆ Սենատի արտաքին հարաբերությունների հանձնաժողովում սկսվել են նաև Հայաստանում Միացյալ Նահանգների նոր դեսպանի թեկնածու Քրիստինա Քվիենի վերաբերյալ լսումները:

 Ուշագրավ
Նա նշել է, որ Արցախն Ադրբեջանական ԽՍՀ–ից դուրս է եկել բոլոր իրավական կարգավորումների համաձայն
Շեշտադրվել է նաև փոխընդունելի լուծումներ գտնելու անհրաժեշտությունը բոլոր համապատասխան հարցերի շուրջ
Այդպիսով հայ երգչուհին ներկաների ուշադրությունն է հրավիրել արդեն մեկ ամսից ավելի շարունակվող Արցախի շրջափակմանը
Նա ասել է, որ ՀՀ և Ադրբեջանի բանակցությունների համար հարթակ տրամադրելու ՌԴ առաջարկն ուժի մեջ է
---