Իսպանիայի Կոնգրեսի պատգամավորը Սոթքից դիմել է միջազգային հանրությանը

Իսպանիայի Կոնգրեսի պատգամավորը Սոթքից դիմել է միջազգային հանրությանը

PanARMENIAN.Net - Իսպանիայի Կոնգրեսի պատգամավոր Ջոն Ինյարիտուն Գեղարքունիքի մարզի Սոթք բնակավայրից դիմել է միջազգային հանրությանը։ Նա տեսաուղերձ է հրապարակել Twitter-ի իր միկրոբլոգում և գրառում կատարել։

«Մենք գտնվում ենք Սոթքում (Հայաստան), ամբողջ այս շրջանը ռմբակոծվել է Ադրբեջանի կողմից սեպտեմբերին, որի հետևանքով զոհեր են եղել քաղաքացիական բնակչության շրջանում, հարյուրավոր տներ են քանդվել։ Մենք խնդրում ենք միջազգային հանրությանը գործել և ստիպել Ադրբեջանին հարգել խաղաղության օրակարգն ու հեռանալ հայկական տարածքից»,-ասվում է գրառման մեջ։

Սեպտեմբերի 13-ին՝ ժամը 00:05-ից Ադրբեջանի ԶՈւ ստորաբաժանումները Գորիսի, Կապանի, Ջերմուկի, Վարդենիսի, Սոթքի ուղղությամբ խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ, կիրառվել են նաև ԱԹՍ-ներ, հրետանի, ականանետեր՝ թիրախավորելով թե ռազմական, և թե քաղաքացիական ենթակառուցվածքները։ Սեպտեմբերի 14-ի երեկոյից հրադադար է հաստատվել, սակայն իրավիճակը շարունակում է մնալ լարված։ ՀՀ ԱԳ նախարար Արարատ Միրզոյանը հրապարակել է հայկական կողմի զոհերի թիվը՝ 233։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---