Նախագիծ․ Պաշտոնյային տրվող արարողակարգային նվերները չեն հաշվառվի 6 դեկտեմբերի 2022 - 17:26 AMT PanARMENIAN.Net - ԱԺ նիստում ներկայացված նոր նախագծով նոր կարգավորումներ են սահմանվում հանրային պաշտոն զբաղեցնող անձանց շահերի բախման, նվերների ինստիտուտի վերաբերյալ։ Առաջարկվում է, որ արարողակարգային կերպով տրվող նվերները հաշվառման ենթակա չլինեն, հայտնում է «Առավոտը»։ «Հանրային ծառայության մասին» օրենքում փոփոխություններ և լրացումներ կատարելու մասին» նախագիծը ներկայացրել է արդարադատության փոխնախարար Արփինե Սարգսյանը։ «Նախատեսվել է, որ օտարերկրյա պետությունների, միջազգային կազմակերպությունների կողմից արարողակարգային կերպով տրվող նվերները հաշվառման ենթակա չեն: Սկզբնական տարբերակում նշված էր, որ հաշվառման են ենթարկվելու բոլոր այն նվերները, որոնք, ըստ էության, նախագծին համահունչ պետք է հաշվառվեին, բայց հաշվի առնելով այն հանգամանքը, որ այսպիսի միջոցառումների ժամանակ ունենք հրապարակայնության բաղադրիչը, պաշտոնատար անձանց ծանրաբեռնվածությունը չմեծացնելու համար նախատեսվում է, որ արարողակարգային նվերները հաշվառման ենթակա չեն լինելու»,-ասել է նա: Նախատեսվում է նաև փոփոխել փոխկապակցված անձանց շրջանակը և հանել հետևյալ անձանց՝ պապը, տատը, թոռը, մորաքույրը, հորաքույրը, հորեղբայրը, մորեղբայրը, քրոջ և եղբոր զավակները, պաշտոն զբաղեցնող անձի մորաքրոջ, հորաքրոջ, հորեղբոր, մորեղբոր զավակները, քրոջ, եղբոր զավակի ամուսինները: Ժամանակին հանրային պաշտոն զբաղեցնող անձանց հետ փոխկապակցված այս ամբողջ բարեկամական շղթան ընդգրկվել էր, որ բացառվի այսպես ասած «զոքանչի, բաջանաղի անունով» ձևակերպելու պրակտիկան, հիմա նորից շրջանակը նեղացվում է:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
